Ioane 16:13 - Tokelauan New Testament

¹³ Kae kāfai e hau te Agaga, tē e ia fakailoa te meamoni, ka ia takitakia koutou ki te meamoni. Ka hē tautala ia i hana lava pule, kae ka tautala i nā mea e ia lagona, ma ka ia fakailoa atua ki a te koutou nā mea ka tutupu.

Ioane 16:13 Referans Kwoze

Ioane 14:26

Ko te Fehoahoani, te Agaga Paia, tē ka uga mai e te Tamana i toku igoa, ka ia akoakoa atua ki a te koutou nā mea uma lele, ma ka koutou manatua ai nā mea uma na lea atu ai au.

Ioane 14:17

Ko ia ko te Agaga e fakailoagia te meamoni e uiga ki te Atua. E hē mafai ke talia ia e tagata o te lalolagi, auā e hē ki lātou kitea pe iloa ia. Kae e koutou iloa ia, auā e tūmau ia ma koutou, ma e i loto ia, ia te koutou.

Ioane 15:26

“Ka hau te Fehoahoani — ko te Agaga, e ia fakaalia te meamoni e uiga ki te Atua, ma e hau mai te Tamana. Ka uga atu e au te Agaga ki a te koutou mai te Tamana, ma ka molimau ia e uiga ki a te au.

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

1 Ioane 2:20

Kae ko koutou kua uma te fakaukugia e Keliho te Tokatahi Paia fakatahi ma te Agaga, ma e iloa uma e koutou te meamoni.

Ioane 12:49

Auā e hē āku nā kupu e tautala ai au, kae ko te Tamana na ia uga maia au, e ia fakatonu maia nā kupu e tatau ke tautala ai au.

1 Ioane 4:6

Kae ko ki tātou e o te Atua. Ko nā tino e ki lātou iloa te Atua e fakalogo mai ki a te ki tātou; ko nā tino e hē o te Atua e hē fakalogo mai ki a te ki tātou. Ko te mea la tēnei e ki tātou iloa ai te kehekehega i te va o te Agaga o te meamoni ma te agaga o te meahehē.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Fakaaliga 1:19

Tuhi la ki lalo nā mea e kitea e koe, nā mea e tutupu i te taimi nei ma nā mea ka tutupu mulimuli.

Ioane 8:38

Ko au e tautala i nā mea kua fakahino mai e toku Tamana ki a te au, e vē lava ona koutou faia nā mea e lea atu ai te koutou tamana ki a te koutou.”

2 Tehalonia 2:3

Nahe fakatagagia lele e koutou he tino ke ia fakahehēa koutou i ho he mea. Auā ko te Aho ka hē pa mai heiloga kua taunuku te fou a tagata ki te Atua ma hula mai te Tino Kino, tē e iku lava ki heoli.

Fakaaliga 1:1

Ko te tuhi tēnei e fakamaumau ai nā mea na fakaalia e Iehu Keliho. Na tuku atu e te Atua ki a te ia te fakaaliga tēnei, kae ke iloa ai e ana kaukauna nā mea e tatau ke tutupu i he taimi pili mai. Na fakaalia e Keliho nā mea iēnei i te ugaga e ia o tana agelu ki tana kaukauna ko Ioane,

2 Tehalonia 2:12

Ko te ikuga la, ko ki lātou uma e hē talitonu ki te fekau moni e uiga ki to tātou Aliki kae fiafia oi fai te agahala, ka fakahalagia.

Gāluega 27:24

oi lea vē mai, ‘Paulo, ia koe nā mataku! Ko koe e tatau ke tū i mua o te Kaihala. Ko te agalelei o te Atua ki a te koe, kua fakahao ai ia ola o nā tino uma e faimalaga fakatahi koutou.’

Gāluega 20:23

Oioti lava te mea e kō iloa, kua uma te lapataki mai o te Agaga Paia ki a te au, ko te falepuipui ma puapuagā e fakatalitali mai ki a te au i nā kakai uma e pa au ki ei.

Ioane 3:32

E molimau ia kinā mea na kitea ma lagona e ia, kae e hēai he tino e ia talia tana takutinoga.

Gāluega 11:28

Ko tētahi o ki lātou iēnei ko Akapo, na tū ki luga ma fai tana vāloaga e ala i te mana o te Agaga Paia, ko he oge lahi e tuku e pa mai ki te lalolagi kātoa. (Na tupu te oge tēnei i nā aho o te pūlega a te Kaihala Kalautiona.)

Ioane 16:12

“E lahi lele nā mea e tatau ke lea atu ai au ki a te koutou, kae e hē nafatia e koutou i te taimi nei.

Epelu 1:1

I nā aho kua leva, ko te Atua na tautala ki o tātou tupuna e ala i nā pelofeta. Na ia faia te mea tēnei i ni auala kehekehe e lahi, ma i ni taimi kehekehe.

1 Ioane 5:6

Ko Iehu Keliho ko te tino ia na hau ma te vai mo tona papatihoga, ma te toto o tona mate. E hē nā ko te vai te na hau ma ia, kae ko te vai ma te toto. Ma ko te Agaga lava ia te molimau ki te moni o te mea tēnei, auā ko te Agaga ko te meamoni.