Ioane 16:10 - Tokelauan New Testament

¹⁰ e hehē to lātou tāofi e uiga ki te mea e hako, auā ko au e fano ki te Tamana, ma ka hē toe koutou kitea au;

Ioane 16:10 Referans Kwoze

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

Gāluega 3:14

Ko Iehu nae paia ma lelei, kae na teteke koutou ki a te ia ma lea koutou ki a Pilato ke tatala ma fakahaoloto te tino tāmate tino.

Kalatia 5:5

Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Loma 1:17

Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Gāluega 7:52

Na kua i ei nei he pelofeta e hēki fakahāuā ki ei outou tupuna? Na ki lātou tāmatea nā kavefekau a te Atua iē na ki lātou folafola maia i nā aho kua loa, te haele mai o tana Kaukauna āmiotonu. Kae nei, kua fakalatagia ma tāmate e koutou.

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Ioane 5:32

Kae e i ei te tino e molimau e uiga ki a te au, ma e iloa e au ko tana molimau e hako.

Ioane 3:14

Ma e vē ona hiki ake ki luga e Mohe te gata apamemea i te vao, e tatau foki te Ataliki o te Tagata ke hiki ake ki luga,

Ioane 7:33

Oi lea atu ai ia Iehu, “Ko au ka fakatahi ma koutou mo hina taimi, oi fano ai au ki tē na ia uga maia au.

Ioane 16:5

Kae nei ko au ka fano ki tē na ia uga maia au, kae e hēai lele houtou tino e fehili mai, pe ko au e fano ki fea.

Ioane 16:28

Ko au na hau mai te Tamana ki te lalolagi; ma i te taimi nei, ka kō tukua te lalolagi kae fano ki te Tamana.”