Ioane 15:19 - Tokelauan New Testament

¹⁹ Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

Ioane 15:19 Referans Kwoze

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

1 Ioane 3:12

Ki tātou nahe vē ko Kaino; na tāmate e ia tona uho ko Apelu ona ko ia ko he fānau e a te Tino Kino. He ā te na tāmate ai e Kaino tona uho? Auā nae kino nā mea nae ia faia, kae lelei nā mea nae fai e tona uho.

Luka 6:32

“Kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou fakamanuiaga? E pa foki lava ki nā tino agahala, e alolofa ki nā tino e alolofa ake ki a te ki lātou!

1 Petelu 4:3

Kua lava nā taimi nae mulimuli ai koutou i nā taimi kua teka, ki nā mea e fiafia ki ei nā tino fakapaupau. Nae fai e koutou nā āmio mātagā, nā manakoga fakatetagata, te konā, āmio hē pūlea, fai pātī ma nā uiga holi tūlāfono ko te ifo ki tupua.

Fakaaliga 12:17

Kua fekai lahi lele te tālako ki te fafine, ma na fano ai kua fakahaga tau ki nā lāpuna uma o te fafine, ki lātou uma kua uhitaki ki nā fakatonuga a te Atua ma tūmau i te meamoni na fakailoa mai e Iehu.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Mataio 10:22

ma ka inohia koutou e tagata uma ona ko au. Ka ko te tino e onohai pea lava ke pa ki te ikuga, ka fakaolagia.

Mataio 24:9

“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au.

Ioane 6:70

Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

Ioane 13:18

“Ko au e hē tautala e uiga ki a te koutou uma; E iloa e au nā tino kua kō filifiliagia. Kae e tatau ke taunuku te tuhituhiga paia e lea mai, ‘Ko te tino na kakai fakatahi ki māua i aku meakai, kua fakahagatau mai ki a te au.’

Iakopo 4:4

Ko koutou e vē ni tino kua mulilua. E hē koutou iloa ko te fakauō ma te lalolagi ko te teteke tēnā ki te Atua? Ko nā tino e fofou ke kavea ki lātou ma uō a te lalolagi, kua ki lātou faia lava ki lātou ma fili o te Atua.