Ioane 15:16 - Tokelauan New Testament

¹⁶ E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 15:16 Referans Kwoze

Ioane 15:19

Kāfai koutou e o te lalolagi, e alolofa atu foki te lalolagi ki a te koutou, ona ko koutou ni tōtino e o ia. Kae na kō filifiliagia koutou mai te lalolagi, ma ko koutou e hē o te lalolagi; ko te mea ia e inoino atu ai te lalolagi ki a te koutou.

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Luka 6:13

Kua pa ki te taeao, oi lea ai ki nā hoko o ia ke ōmamai ki a te ia, ma na filifili ai e ia he toka hefululua o ki lātou, na ia fakaigoagia ni apohitolo;

Kalatia 1:15

Kae i te alofa tūnoa o te Atua na ia filifilia ai au ka ko hēki fānau mai au, ma kalagagia ke kaukauna atu ki a te ia. Ma i te tonuga i te ia ke

1 Ioane 4:19

Ko ki tātou e alolofa auā ko te Atua na alofa muamua mai ki a te ki tātou.

Gāluega 22:14

Oi lea vē mai ai, ‘Ko te Atua o nā tupuna o ki tātou, kua ia filifiliagia koe ke kē iloa te mea e fofou ia ki ei, ke kē kitea tana Kaukauna āmiotonu, ma ke kē lagona tona lava leo e tautala atu ki a te koe.

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

Ioane 13:18

“Ko au e hē tautala e uiga ki a te koutou uma; E iloa e au nā tino kua kō filifiliagia. Kae e tatau ke taunuku te tuhituhiga paia e lea mai, ‘Ko te tino na kakai fakatahi ki māua i aku meakai, kua fakahagatau mai ki a te au.’

Ioane 6:70

Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

1 Petelu 3:15

Kae ifo atu ma outou loto kātoa ki a Keliho ko ia te Aliki. Nonofo hāuni i taimi uma ke tali atu ki ho he tino e lea atu ke fakamālamalama ake ki a te ki lātou te fakamoemoe kua ia te koutou.

1 Ioane 4:10

Ko tēnei te mea e takua ko te alofa: e hē ona ko ki tātou e alolofa ki te Atua, kae ona ko tona alofa mai ki a te ki tātou na ia uga maia ai tona Ataliki, kae ke māgalo ai a tātou agahala.

Gāluega 1:24

Oi fai ai te lātou tatalo, “Te Aliki, e kē iloa ia loto o tagata uma lele. Ko te mea ia, te Atua e, fakaali mai ki a te ki mātou pe ko ai o te toka lua tēnei kua kē filifilia

1 Petelu 3:2

auā ka kitea e ki lātou te fakamāoni o koutou i nā tāpuakiga ki te Atua ma te lelei o autou āmio.

Loma 15:4

Ko nā mea uma kua tūhia i nā Tuhituhiga Paia, na tūhia ke akoako ai ki tātou, kae ke maua ai e ki tātou te fakamoemoe, e ala i te onohai ma te fakamālohi, e ki tātou maua mai i nā Tuhituhiga Paia.

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Mataio 21:22

Ma ko ho he mea lava e gogō atu ai koutou i te tatalo, ka vēnā lava oi maua e koutou, kāfai koutou e talitonu.”

2 Timoteo 1:11

Kua tōfia au e te Atua ke tālaki te Tala Lelei ma ke kavea ma apohitolo vēnā foki ma faiakoga,

1 Kolinito 10:11

Ko nā mea uma iēnei na tutupu ki a te ki lātou ke fai ma fakatakitakiga ki iētahi tino, ma na tūhia ki lalo kae ke fai ma mea ke fakaeteete ai ki tātou. Auā kua pili mai i te taimi nei e ola ai ki tātou, te ikuga o mea uma.

Loma 9:21

E hē i te tino nei e gaohi e ia nā ulo, te pule ke ia fakaaogā ai te ōmea ki te mea e fofou ia ki ei, ma ke ia gaohia ni ulo e lua mai te palugā ōmea e fokotahi, ko tētahi mo nā aho fakapitoa, ma tētahi mo nā aho uma?

Iakopo 3:18

Kāfai e totō nā fatu o te fīlēmū e nā tino e fakatupua te fīlēmū, ka helehele e ki lātou te āmiotonu.

Epelu 11:4

Ko te fakatuatua o Apelu na ofo ai e ia ki te Atua he tāulaga e hili atu te lelei i lo te tāulaga a Kaino. Ko tona fakatuatua na talia ai ia e te Atua ko he tino āmiotonu, auā ko te Atua lava te na taliagia tana meaalofa. Ona ko tona fakatuatua, koi tautala ai pea lava ia Apelu, e ui lava kua mate.

Tito 1:5

Ko koe na tuku e au i Kelete kae ke mafai e koe oi tukutonu nā mea koi fakahētonu, ma tōfia ni toeaina mo nā Ekalehia i nā kakai takitahi uma. Ke manatua e koe nā mea na fakatonu atu e au:

Kolohe 1:6

E kaumai pea lava e te Tala Lelei nā fakamanuiaga, ma e halalau ki te lalolagi kātoa, e vē foki lava ko te mea na pa koutou ki ei, talu mai te aho muamua na koutou lagona ai e uiga ki te alofa tūnoa o te Atua, ma iloa lelei ai e koutou tona uiga moni.

Loma 1:5

Ko ia te na ala ai ona tuku mai te avanoa e te Atua ke kavea ai au ma apohitolo mo Keliho, kae ke takitaki ai e ia ia tagata o mālō uma, ke talitonu ma uhitaki.

Gāluega 10:41

e hē ki tagata uma, kae ki a te ki mātou oioti kua uma te filifilia e te Atua, ki mātou iēnei na kakai ma inu fakatahi ma Iehu talu tona toetū mai te oti.

1 Timoteo 2:7

Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Mataio 7:7

“Gogō atu, oi fōki atu ai ki a te koutou; hakili atu, oi maua ai e koutou; tukituki atu, oi tatala mai ai te faitotoka ki a te koutou.

Ioane 15:5

“Ko au ko te vine, ka ko koutou ko nā lālā. Ko nā tino e tūmau to lātou tahi ia te au, ma au ia te ki lātou, ka fua mai ai ni fua e lahi; auā e hēai he mea e koutou mafaia e aunoa ma au.