Ioane 15:1 - Tokelauan New Testament

¹ Kua toe vāgana atu ia Iehu, “Ko au ko te vine moni, ka ko toku Tamana ko te galue vine.

Ioane 15:1 Referans Kwoze

1 Kolinito 3:9

Auā ko ki mātou ni tino e faigāluega fakatahi mo te Atua, ka ko koutou ko te fatoaga a te Atua. Ko koutou foki ko te fale o te Atua.

Ioane 6:55

Auā ko toku kanofi ko te meakai moni ia, ma toku toto ko te vai inu moni ia.

1 Ioane 2:8

Kae ko te fakatonuga e tuhi atu ai au i te taimi nei, ko he fakatonuga fou, auā ko tona fakamāoniga e kitea e ala ia Keliho ma vēnā foki ia te koutou. Auā ko te pōuliuli e gaholo e matafi kehe, ma ko te mālamalama moni kua huhulu mai.

Maleko 12:1

Oi kāmata ai kua akoako atu e Iehu ia tagata i nā talafakatuha: “E i ei he tino na fano oi totō he tōvine e o ia. Kua ati fakatāmilo e ia he pa, ma keli he fātānoa ke tatau ai te vine, ma fau he fale ke leoleo ai te tōvine. Oi tuku ai e ia te tōvine ke lihi e ni nofolihi, kae fano i hana malaga ki hētahi atunuku.

Mataio 21:33

Kua lea atu ia Iehu, “Fakalogo mai ki tētahi talafakatuha. E i ei he tino na fano oi totō he tōvine e o ia. Kua ati fakatāmilo e ia he pa, ma keli he fātānoa ke tatau ai te vine, ma fau he fale ke leoleo ai te tōvine. Oi tuku ai e ia te tōvine ke lihi e ni nofolihi, kae fano i hana malaga ki hētahi atunuku.

Ioane 6:32

Oi lea atu ai ia Iehu ki a te ki lātou, “E takutino atu e au ki a te koutou te meamoni, ko te mea na fōki atu e Mohe e hē he falaoa mai te lagi; ko toku Tamana te ia fōki atua te falaoa moni mai te lagi.

Luka 13:6

Oi fai ai e Iehu te talafakatuha tēnei: “E i ei he tamāloa na ia totōa he mati i loto o tona tōvine; ma kua fano oi kikila pe i ei ni fuāmati, kae e hēki ia maua he mea.

Mataio 20:1

Kua toe vāgana atu ia Iehu, “Ko te Mālō o te lagi e fakatuha vēnei. E i ei he faitōvine na uhu i te taeaopō, oi hakili ni tino ke gālulue i tona tōvine kae totogi.

Ioane 1:9

Ko te mālamalama moni tēnei — ko te mālamalama e hau ki te lalolagi ma huhulu atu ki tagata uma, kae ke ki lātou kitea ai te meamoni.

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

Mataio 15:13

Ka kua tali mai ia Iehu, “Ko nā lākau uma e hēki totōa e toku Tamana i te lagi ka laga uma ki luga.

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Loma 11:17

Ko iētahi o lālā o te ōlive e tauhi lelei, kua tagau kehe ma kua hohoko ki ei he lālā o te ōlive ola vale. Ko koutou tagata nukukehe e vē ko te ōlive ola vale, ma i te taimi nei kua maua fakatahi e koutou na fakamanuiaga ona ko koutou kua kavea ma vāega o te ōlive e tauhi lelei.