Ioane 14:6 - Tokelauan New Testament

⁶ Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 14:6 Referans Kwoze

Gāluega 4:12

Ko te fakaolataga e maua oioti lava e ala ia te ia; e hēai hētahi tino i te lalolagi kātoa kua fōki mai e te Atua, e ia mafaia oi fakaola ki tātou.”

Ioane 10:9

Ko au ko te faitotoka. Ko nā tino e kui mai ia te au, ka fakahao; ka ōmamai ki loto ma olo ki fafo ma ki lātou maua te vao lelei.

Efeho 2:18

Ona ko Keliho kua mafai ai ki tātou uma lele, ia tagata Iutaia ma tagata nukukehe, ke oatu i te Agaga e fokotahi ki mua o te Tamana.

Ioane 1:4

Ko te Kupu ko te puna o te ola, ma ko te ola tēnei na kaumaia te mālamalama ki tagata.

1 Ioane 5:20

E iloa e ki tātou ko te Ataliki o te Atua kua hau ma kua ia fakailoa maia te Atua moni. Ko ki tātou e ola i te māfutaga ma te Atua moni — i te māfutaga ma tona Ataliki ko Iehu Keliho. Ko tēnei te Atua moni, ma ko tēnei te ola e hē gata.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Ioane 8:32

ka iloa e koutou te meamoni e uiga ki te Atua, ma ko te meamoni tēnei ka maua ai e koutou te haolotoga.”

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

2 Ioane 1:9

Ko ai lava e hē tūmau i nā akoakoga a Keliho, kae fakaopoopo e ia ni mea ki ei, e hē ia te ia te Atua. Ko ai lava e tūmau i nā akoakoga, e ia te ia te Tamana vēnā ma te Ataliki.

Fakaaliga 20:15

Ko nā tino e hēki tūhia o lātou igoa i loto o te tuhi o te ola, kua togi ki loto o te vaitūloto o te afi mumū.

Ioane 15:1

Kua toe vāgana atu ia Iehu, “Ko au ko te vine moni, ka ko toku Tamana ko te galue vine.

Mataio 11:27

“Kua fōki mai e toku Tamana ki a te au nā mea uma lele. E hēai he tino e ia iloa te Ataliki vaganā te Tamana, ma e hēai foki he tino e ia iloa te Tamana vaganā te Ataliki ma ki lātou kua filifilia e te Ataliki ke fakailoa ki ei.

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Fakaaliga 22:17

Kua lea vē te Agaga ma te Teine Fakaipoipo, “Hau!” Ko ai lava e ia lagona te mea tēnei, e tatau foki ke lea, “Hau!” Ko ai lava e fia inu, hau oi talia te vai o te ola, e hēai he totogi.

Ioane 8:51

E takutino atu e au ki a te koutou te meamoni: ko ai lava e uhitaki ki aku akoakoga ka hē oti lele.”

1 Ioane 2:23

Auā ko te tino e hē ia taliagia te Ataliki e hē ia te ia foki te Tamana; ko te tino e ia taliagia te Ataliki e ia te ia foki te Tamana.

Ioane 10:28

E kō fokia ki a te ki lātou te ola e fakavavau, ma ka hē fakaumatiagia lele ki lātou. E hē mafai e he tino oi hamu kehe atu ki lātou mai taku tauhiga.

Ioane 18:37

Oi fehili atu ai ia Pilato ki ei, “Ko koe la ko he tupu, ni?” Ka kua tali mai ia Iehu, “Ko koe tēnā e lea ko au he tupu. Ko au na fānau mai ma na hau ki te lalolagi nei ke molimau ki te meamoni. Ko ki lātou uma e i te meamoni, e uhitaki mai ki a te au.”

Ioane 6:33

Auā ko te falaoa e fōki atu e te Atua ko ia tēnā e fanaifo mai te lagi ma fōki atu te ola ki te lalolagi.”

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Ioane 6:57

Ko te Tamana te puna o te ola, tē na ia uga maia au, ma ko au e ola ona ko ia. E vēnā foki la ona ola ho he tino e kai ki toku kanofi, ona ko au.

1 Petelu 2:4

Ōmamai ki te Aliki, te fatu e ola pea lava na tīaki e tagata e hēai he aogā, kae na filifilia e te Atua e tāua lahi lele.

Ioane 10:7

Oi toe vāgana atu ai ia Iehu, “E takutino atu e au ki a te koutou te meamoni: ko au ko te faitotoka mo nā māmoe.

Loma 5:2

Kua kaumai e ia ki tātou e ala i to tātou fakatuatua, ki te alofa tūnoa o te Atua, tēia e ola ai nei ki tātou. Ko ki tātou la e fāfifia ona ko te tātou fakamoemoe, ke i ei fakatahi ki tātou i te huhulu pupula mamalu o te Atua.

Kolohe 3:4

Ko te ola moni o koutou ko Keliho, ma kāfai e hau, oi ko koutou foki ka ōmamai fakatahi ma ia, ma ka i ei fakatahi koutou i tona mamalu.

1 Kolinito 15:45

Auā e lea mai te tuhituhiga paia, “Ko te uluaki tagata, ia Atamu, na gaohia ma tagata ola”; ka ko te Atamu mulimuli, na kavea ma Agaga e puna mai ai te ola.

1 Ioane 1:8

Kāfai ki mātou e lea e hēai ni a mātou agahala, kua pepelo lava ki mātou ki a te ki mātou, ma e hēai he meamoni ia te ki mātou.

Ioane 6:68

Kua tali mai ia Himona Petelu, “Te Aliki, ko ki mātou e olo ki a te ai? E ia te koe nā kupu e maua ai te ola e fakavavau.

Loma 5:21

Ko te mea ia, e vē ona pule te agahala e ala i te oti, e vēnā foki ona pule te alofa tūnoa o te Atua e ala i te fakaleleia o to tātou va ma ia, ma takitaki ai ki tātou ki te ola fakavavau e ala ia Iehu Keliho to tātou Aliki.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

Fakaaliga 19:11

Oi kō kitea atu ai te lagi kua matala, ma e i ei he holofanua paepae i kinā. Ko te igoa o te tino e tiketike ai ko te Fakamāoni ma te Hako; e ia faia te mea e tonu kāfai e fai tana fakamahinoga, ma kāfai e tau ana taua.

Kolohe 2:9

Auā ko nā uiga uma lele o te Atua e ia Keliho, i tona itū fakatetagata,

1 Ioane 5:6

Ko Iehu Keliho ko te tino ia na hau ma te vai mo tona papatihoga, ma te toto o tona mate. E hē nā ko te vai te na hau ma ia, kae ko te vai ma te toto. Ma ko te Agaga lava ia te molimau ki te moni o te mea tēnei, auā ko te Agaga ko te meamoni.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

Kolohe 2:17

Ko nā mea uma vēnā, kua nā ko he ataata o nā mea ko i mua; kae ko te mea kua mautinoa, ko Keliho.

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.

Gāluega 3:15

Na tāmate e koutou te tino e takitaki e ia ia tagata ki te ola moni, kae kua toe fakatū e te Atua mai te oti — ma ko ki mātou ni molimau ki te mea tēnei.

Fakaaliga 22:1

Na fakaali mai foki e te agelu ki a te au te vaitafe o te vai o te ola, e pāgilagila e vē ko he tioata, ma e tafe mai i te nofoāliki o te Atua ma o te Punuamāmoe,

Epelu 9:8

E fakailoa manino mai e te Agaga Paia e ala i nā fakatūlagaga iēnei, ko te auala ki loto o te Nofoaga e Hili te Paia, ko hēki mafai ke tatala auā te Falekie pito ki fafo koi tū lava.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Gāluega 9:2

ma lea ki ei mo ni tuhi ke fakailoa atu ai ia ki nā hūnako i Tamaheko, kae ke ia pukea ai ho he tino e i loto o te maopoopoga e takua ko te Ala o te Aliki i kinā, ko taulelea ma fafine, ma fakafoki ki Ieluhalema.