Ioane 14:27 - Tokelauan New Testament

²⁷ “Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Ioane 14:27 Referans Kwoze

Filipi 4:7

Ma ko te fīlēmū o te Atua, tēia e hē tāitai ke pa ki ei te mālamalama o te tagata, ka puipui malu ki outou loto ma outou māfaufau, i te māfutaga fakatahi ma Keliho Iehu.

Ioane 16:33

Ko au kua lea atu ki a te koutou i te mea tēnei, kae ke maua ai e koutou te fīlēmū, ona ko koutou e tahi ma au. Ka hāuāgia koutou e te lalolagi. Kae loto tetele! Kua fakatōkilalo e au te lalolagi!”

2 Tehalonia 3:16

Ke fōki atu e te Aliki o te fīlēmū ki a te koutou i taimi uma ma aho uma lava, te fīlēmū. Ke fakatahi pea lava te Aliki ma koutou.

Kolohe 3:15

Ko te fīlēmū e fōki atu e Keliho, ke takitakia ai koutou i autou tonu e fai; auā ko te fīlēmū tēnei kua kalagagia fakatahi ai koutou e te Atua, i te tino e tahi. Ma e tatau la koutou ke maua i te loto fakafetai.

2 Timoteo 1:7

Auā ko te Agaga kua fōki mai e te Atua ki a te ki tātou e hē ke matamumuli ai ki tātou; kae ko tona Agaga e fakatumulia ai ki tātou i te loto mālohi, te loto alofa, ma te ola pūlea.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

Loma 8:6

Kāfai te māfaufau e pūlea e te natula fakatetagata, ko te ikuga ko te oti; kāfai e pūlea e te Agaga, ko te ikuga ko te ola ma te fīlēmū.

Kalatia 1:3

Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Loma 5:1

Nei la kua uma te fakalelei o te va o ki tātou ma te Atua e ala i te fakatuatua, kua maua ai e ki tātou te fīlēmū i te māfutaga ma te Atua e ala i to tātou Aliki ko Iehu Keliho.

Ioane 14:1

Kua vāgana atu ia Iehu ki ona hoko, “Koutou nahe popole pe mātataku; talitonu ki te Atua, ma talitonu mai foki ki a te au.

Loma 5:10

Ko ki tātou nae fili ki te Atua, kae na ia faia ki tātou ma ana uō, e ala i te oti o tona Ataliki. Nei la ko ki tātou ni uō e a te Atua, ka hē hili atu nei la te mautinoa ko ki tātou ka fakahao e ala i te ola o Keliho?

Ioane 20:21

Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Kolohe 1:20

Ko te mea ia na fuafua ai e te Atua, ke fai te Ataliki ma auala ke toe fakafoki atu ai te lagi ma te lalolagi ki a te ia. Na fai te fakaleleiga e te Atua, e ala i te mate o tona Ataliki i luga o te hātaulo, ke toe fakafoki atu ai ki a te ia nā mea uma lele, i te lagi ma e lalolagi.

Loma 1:7

Oi ko au la e tuhi atu ki a te koutou uma i Loma, koutou iēnā e alofa ki ei te Atua, ma kua kalagagia e te Atua ke kavea ma ona tagata: Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

1 Kolinito 1:3

Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Ioane 20:19

I te pō o te aho lava tēnā, te pō o te aho Hā, na potopoto ai te kau hoko i loto fale kae loka te faitotoka, auā e mātataku i nā takitaki o Iutaia. Oi hau ai ia Iehu oi tū i te mea e i ei ai ki lātou, ma vāgana vē mai, “Ke ia te koutou te fīlēmū.”

2 Tehalonia 1:2

Ke ia te koutou te alofa tūnoa ma te fīlēmū mai te Atua to tātou Tamana ma to tātou Aliki ko Iehu Keliho.

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Luka 1:79

ma fakahuhulu ifo mai te lagi ki luga o nā tino uma e nonofo i te pōuli o te ata o te oti, ke takitaki ai o tātou vae ki te auala o te fīlēmū.”

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Gāluega 18:9

I tētahi pō, na kitea ai e Paulo te Aliki i he fakaaliga e lea vē mai ki a te ia, “Ia koe nahe mataku, kae tautala pea lava ki a te ki lātou, ma nahe kē fakavāivai lele,

Mataio 10:26

“Koutou la nahe mātataku i tagata; auā e hēai he mea e tatao ke galo ka hē toe kitea, pe mumuni ka hē toe iloa.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 1:4

Mai ia Ioane, ki nā Ekalehia e fitu i Ahia. Ke ia te koutou te alofa tūnoa ma te fīlēmū mai te Atua, tē e ola nei, nae ola pea lava, ma ka haele mai, vēnā foki mai nā agaga e fitu kua i mua o tona nofoāliki;

Epelu 7:2

oi fōki ai e Apelaamo ki ei te tahi vaehefulu o nā mea uma lele na maua mai te taua. (Ko te uiga muamua o te igoa o Melekiheteka ko te “Tupu Fai Meatonu”; ma ona ko ia foki ko te tupu o Halema, e i ei ai foki tētahi uiga o tona igoa ko te “Tupu o te Fīlēmū.”)

Ioane 20:26

Kua teka atu te vaiaho e fokotahi, nae fakatahi ai foki te kau hoko i loto fale ma nae i ei ai ia ma Toma. Ko nā faitotoka nae loka, kae kua hau ia Iehu oi tū i te mea e i ei ai ki lātou ma vāgana atu vēnei, “Ke ia te koutou te fīlēmū.”

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Kalatia 6:16

Kae vē la ki a te ki lātou uma e mulimuli ki te tūlāfono tēnei, ke ia te ki lātou te fīlēmū ma te alofa tūnoa, ma ke vēnā foki ona i ei i tagata uma o te Atua.

Luka 10:5

Kāfai koutou e ulu ki loto o he fale, lea muamua vē, ‘Ke i te fale tēnei te fīlēmū.’

Kolohe 1:2

Ki tagata o te Atua i Kolohe, o mātou uho fakamāoni i te māfutaga fakatahi ma Keliho: Ke ia te koutou te alofa tūnoa ma te fīlēmū mai te Atua to tātou Tamana.

Luka 12:4

“Oku uho, e lea atu au ki a te koutou, koutou nahe mātataku i nā tino e tāmate e ki lātou te tino o te tagata, ma gata ai foki lava i kinā te mea e ki lātou mafaia.