Ioane 13:8 - Tokelauan New Testament

⁸ Ka kua lea vē mai ia Petelu ki ei, “E hē tatau lele ke fulufulu e koe oku vae!” “Kāfai e hē kō fulufulua ō vae, ko koe la e hē āku,” kua tali atu ia Iehu.

Ioane 13:8 Referans Kwoze

Tito 3:5

ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.

Gāluega 22:16

He ā la te koi fakatali ai koe? Tū loa ki luga ma papatihogia ma tatalo ki te Aliki ke fakamamā koe mai au agahala.’

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

Fakaaliga 7:14

Kua lea vē atu au ki ei, “Te aliki, e hē kō iloa kae e kē iloa.” Oi lea mai ai ki a te au, “Ko nā tino iēnei kua hao mai i nā puapuagā e lahi. Kua uma te ufi e ki lātou o lātou kofu, ma fakapaepae i te toto o te Punuamāmoe.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Kolohe 2:23

Ko nā tūlāfono vēnā, e vē e fakavae i he poto fakatetagata, ma e takitaki fakamālohi ai ia tagata ke tāpuaki ki nā agelu, ke loto maulalo pepelo, ma ke fakahaunoa tauanoa ki te tino, kae e matuā hē aogā lava ki te tāofiofiga o nā tuinanauga ki te tino.

Kolohe 2:18

Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Mataio 26:33

Kua lea atu ia Petelu ki a Iehu, “E hē kō tiakia lele koe, e tuha lava pe hōhola kehe uma tētahi vāega!”

Mataio 21:29

Kua tali mai tona ataliki, ‘Ko au e hē fano.’ Kae mulimuli ake, kua toe hui tona māfaufau ma na fano ai oi galue.

Mataio 26:35

Kua tali mai ia Petelu, “E hē mafai au ke lea vēnā, e tuha lava pe kāfai e oti ai au fakatahi ma koe.” Ma kua lea vēnā foki iētahi o te kau hoko.

Mataio 16:22

Oi tataki kehe ai e Petelu ia Iehu, ma kāmata oi tautala mālohi ki ei, kua lea vē atu, “Te Aliki, ke alofa te Atua ke nahe pa lele koe ki he mea vēnā!”

Ioane 13:6

Kua fano ki a Himona Petelu, kae kua lea mai ki ei ia Himona Petelu, “Te Aliki, ko oku vae ka fulufulu e koe?”

Ioane 13:9

Kua tali mai ia Himona Petelu, “Te Aliki, nahe fulufulua la nā ko oku vae. Fulufulu foki ma oku lima ma toku ulu!”