Ioane 13:1 - Tokelauan New Testament

¹ Kua pa ki te aho e hohoko ki te Kaiga Fakamanatu o te Pāheka, ma kua iloa e Iehu ko te itūlā kua pa mai, ke tukua ai e ia te lalolagi kae fano ki te Tamana. Nae alofa pea lava ia ki ona tagata i te lalolagi, ma nae alofa ki a te ki lātou ke pa lava ki te ikuga.

Ioane 13:1 Referans Kwoze

Ioane 12:23

Kua tali mai ia Iehu ki a te ki lātou, “Kua pa mai te itūlā e fakatū ake ai te Ataliki o te Tagata ki tona mamalu.

1 Ioane 4:19

Ko ki tātou e alolofa auā ko te Atua na alofa muamua mai ki a te ki tātou.

Ioane 13:34

Ma i te taimi nei, e kō tuku atua ki a te koutou he fakatonuga fou: ke alofa tētahi ki tētahi. E vē ona alofa atu au ki a te koutou, ke vēnā foki ona alofa tētahi ki tētahi.

Ioane 16:28

Ko au na hau mai te Tamana ki te lalolagi; ma i te taimi nei, ka kō tukua te lalolagi kae fano ki te Tamana.”

Ioane 13:3

Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

Ioane 18:4

Kua uma te iloa e Iehu o nā mea uma ka pa ia ki ei, oi hau ai ki mua, ma lea vē atu ki a te ki lātou, “Ko ai ta koutou e hakili?”

1 Kolinito 1:8

Ka tauhia pea lava koutou e ia ke pa ki te ikuga, kae ke nahe i ei lele he mea e hehē ai koutou, i te Aho o to tātou Aliki ko Iehu Keliho.

Ioane 17:16

E hē mai te lalolagi ki lātou, e vē foki lava ko au e hē mai te lalolagi.

Ioane 17:1

Kua uma te lea atu o Iehu i te mea iēnei, oi kikila ake ai ki te lagi ma lea vē, “Te Tamana, kua pa mai te itūlā. Fakailoa ko te mamalu o te Ataliki, kae ke fakailoa ai e te Ataliki te mamalu o koe.

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Ioane 17:5

Te Tamana, fakailoa ko i te taimi nei e ala i tō fakatahi ma au, toku mamalu, te mamalu nae ia te au fakatahi ma koe, ka ko hēki faia te lalolagi.

Mataio 26:45

Oi toe liliu ai ia Iehu ki ona hoko ma lea vē atu ki ei, “Ko koutou koi momoe lava ma mālōlō? Kikila, kua pa mai te itūlā e tukulima atu ai te Ataliki o te Tagata ki te pule a tagata agahala.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

Epelu 6:11

Ko te mea e pito hili ona fofou ki mātou ki ei, ke mafai ke tūmau pea te koutou loto naunau ke pa ki te ikuga, kae ke mafai ai ona fakataunuku nā mea e fakamoemoe koutou ki ei.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Loma 8:37

Hēai. I nā mea uma iēnei, kua kātoatoa to tātou manumālō e ala i tē kua alofa ki a te ki tātou!

Ioane 17:26

Ko koe na fakailoa e au ki a te ki lātou, ma ka kō faia pea lava te mea tēnei, kae ke ia te ki lātou ai te alofa o koe e vē ona ia te au, ma ke i ei ai foki au ia te ki lātou.”

Ioane 14:28

Kua uma te koutou lagona toku lea atuga, ‘Ko au e fano kehe, kae ko au e toe hau ki a te koutou.’ Kāfai koutou e alolofa moni mai ki a te au, e tatau koutou ke fiafia ko au e fano ki te Tamana; auā e hili atu tona tāua i lo au.

Ioane 11:55

Kua tafapili ki te taimi o te Kaiga Fakamanatu o te Pāheka, ma e tokalahi nā tino na oatu mai nā nuku i tua ki Ieluhalema, ke fakataunuku nā mea e tatau ke fai ke mamā ai ki lātou i nā mea tau tāpuakiga, ka ko hēki kāmata te Pāheka.

Ioane 7:30

Oi taumafai ai ki lātou ke puke ia Iehu, kae e hēki i ei he tino na pa ki ei tona lima, auā ko tona taimi ko hēki pa mai.

Ioane 7:6

Kua vāgana atu ia Iehu ki a te ki lātou, “Ko te taimi o oku ko hēki pa mai. Kae ko koutou, ho he taimi lava e lelei mo koutou.

Ioane 6:4

I te taimi tēnā, kua tāli pa ki te Kaiga Fakamanatu o te Pāheka.

Luka 22:53

I aho uma ko au e fakatahi ma koutou i loto o te Mālumalu, kae e hēki koutou pukea au i kinā. Kae ko tēnei te taimi e fakatino ai e koutou te pule a te pōgihā.”

Luka 9:51

Kua pili ki nā aho e hikitia ake ai ia Iehu ki te lagi, oi tonu ai i tona loto, ko ia ka fano ki Ieluhalema.

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Ioane 8:20

Ko nā kupu iēnei na tautala ai ia Iehu, ka koi akoako atu i loto o te Mālumalu, i te potu e i ei nā puha e tuku ki loto nā tāulaga tupe ma nā meaalofa a tagata. Kae e hēki pukea ia e nā tino, auā ko tona taimi ko hēki pa mai.

Ioane 2:13

Kua tāli pa ki te taimi o te Kaiga Fakamanatu o te Pāheka, oi fano ai ia Iehu ki Ieluhalema.

Ioane 13:29

Ona ko Iuta te nae kikilagia te taga tupe, na vēake ai iētahi o te kau hoko, ko Iehu na lea ki ei ke fano oi fakatau nā mea e manakomia e ki lātou mo te Kaiga Fakamanatu o te Pāheka, pe ke kave he mea ma nā tino mātitiva.

Ioane 14:31

kae e tatau ke iloa e te lalolagi ko au e alofa ki te Tamana; ko te mea ia e fai ai e au nā mea uma e fakatonu mai e ia. “Tutū loa, keina tātou olo kehe ma kinei.”

Ioane 19:28

Kua iloa e Iehu kua uma te fakataunuku e ia o nā mea uma lele; ma kae ke taunuku ai te kupu a te tuhituhiga paia, na lea vē ai, “Ko au e fia inu.”