Ioane 12:49 - Tokelauan New Testament

⁴⁹ Auā e hē āku nā kupu e tautala ai au, kae ko te Tamana na ia uga maia au, e ia fakatonu maia nā kupu e tatau ke tautala ai au.

Ioane 12:49 Referans Kwoze

Ioane 14:10

Ko koe e hē talitonu ko au e tahi i te Tamana ma ko te Tamana e tahi ia te au?” Oi vāgana atu ai ia Iehu ki ona hoko, “Ko nā kupu e tautala atu ai au ki a te koutou e hē mai ia te au. Ka ko te Tamana tē e tūmau ia te au, e fai lava e ia ana gāluega.

Ioane 8:26

E lahi lele nā mea e tatau ke tautala ai au e uiga kia te koutou, e lahi nā mea e fakahalagia ai koutou. Kae ko tē na ia uga maia au e fakamāoni lava ia, ma e kō fakailoa oioti ki tagata o te tēnei lalolagi, nā mea na kō lagona mai ia te ia.”

Ioane 5:30

“E hēai he mea e kō mafaia i haku pule tautahi; e kō fakamahinoa e vēia ona fakatonu mai ai au e te Atua. Ko taku fakamahinoga la e tonu, auā ko au e hē taumafai ke fai te mea e fofou au ki ei, ka ko te mea e fofou ki ei tē na ia uga maia au.

Ioane 17:8

Kua uma te tuku atu e au ki ei o te fekau na tuku mai e koe ki a te au, ma kua ki lātou taliagia; e iloa e ki lātou e hako ko au na hau mai ia te koe, ma talitonu ko koe te na uga maia au.

Ioane 14:31

kae e tatau ke iloa e te lalolagi ko au e alofa ki te Tamana; ko te mea ia e fai ai e au nā mea uma e fakatonu mai e ia. “Tutū loa, keina tātou olo kehe ma kinei.”

Ioane 15:15

E hē toe kō takua koutou ni kaukauna, auā e hē iloa e nā kaukauna nā mea a to lātou matai e fai. Kae e takua koutou e au ni uō, auā kua uma te kō taku atua ki a te koutou nā mea uma na iloa e au mai toku Tamana.

Ioane 8:42

Oi lea atu ai ia Iehu ki ei, “Kāfai e hako ko te Atua ko te Tamana moni ia o koutou, e tatau la koutou ke alolofa mai ki a te au, auā ko au na hau mai te Atua, ma ko tēnei au kua i kinei. Ko au e hēki hau i haku pule, kae ko au na uga mai e ia.

Ioane 3:32

E molimau ia kinā mea na kitea ma lagona e ia, kae e hēai he tino e ia talia tana takutinoga.

Ioane 3:11

E takutino atu e au ki a te koe te meamoni: ko ki mātou e tautatala i nā mea e ki mātou iloa, ma fakailoa atu nā mea kua ki mātou kitea, kae e hē koutou fia taliagia lele ta mātou takutinoga.

Fakaaliga 1:1

Ko te tuhi tēnei e fakamaumau ai nā mea na fakaalia e Iehu Keliho. Na tuku atu e te Atua ki a te ia te fakaaliga tēnei, kae ke iloa ai e ana kaukauna nā mea e tatau ke tutupu i he taimi pili mai. Na fakaalia e Keliho nā mea iēnei i te ugaga e ia o tana agelu ki tana kaukauna ko Ioane,

Ioane 5:19

Oi vāgana atu ai ia Iehu ki a te ki lātou, “E takutino atu e au ki a te koutou te meamoni; e hē mafai e te Ataliki ona fai he mea nā ko ia; kae e ia faia oioti nā mea e ia kitea e fai e tona Tamana. Ko te mea lava e fai e te Tamana, e fai foki e te Ataliki.

Ioane 6:68

Kua tali mai ia Himona Petelu, “Te Aliki, ko ki mātou e olo ki a te ai? E ia te koe nā kupu e maua ai te ola e fakavavau.

Ioane 7:16

Kua tali atu ia Iehu ki a te ki lātou, “Ko nā mea e akoako atu e au, e hē āku, kae e hau mai te Atua, tē na ia uga maia au.

Ioane 8:28

Oi vāgana atu ai ia Iehu ki a te ki lātou, “Kāfai e koutou hiki akea te Ataliki o te Tagata, ka iloa ai e koutou ‘Ko Au Ko Au Lava Au,’ ma ka koutou iloa ai e hēai he mea e kō faia i haku lava pule, kae ko au e tautala oioti i nā mea na akoako ai au e toku Tamana.

Ioane 14:24

Ko nā tino e hē alolofa mai ki a te au, e hē uhitaki foki ki aku akoakoga. Ma ko nā akoakoga kua fakalogo koutou ki ei, e hē āku, kae e mai te Tamana na ia uga maia au.