Ioane 12:43 - Tokelauan New Testament

⁴³ E hili atu to lātou fiafia ke maua ni o lātou vīkiga mai tagata i lo ni o lātou vīkiga mai te Atua.

Ioane 12:43 Referans Kwoze

Ioane 5:44

E fofou koutou ke maua ni vīkiga o tētahi mai tētahi, kae e hē taumafai lele koutou ke koutou maua te vīkiga, e nā ko te Atua lava oioti te maua mai ai. E mafai vēhea la ke talitonu mai koutou ki a te au?

Ioane 5:41

“Ko au e hē fofou ki ni vīkiga mai tagata.

Luka 16:15

Kua vāgana atu ia Iehu ki a te ki lātou, “Ko koutou iēnā e fia āmiotonu i mua o tagata, kae e kitea e te Atua nā mea i outou loto. Auā ko nā mea e fakatāua i te kikila a te tagata, ni mea iēnā e inoino ki ei te Atua.

1 Tehalonia 2:6

E hēki taumafai ki mātou ke maua ni o mātou vīkiga mai tagata, pe mai ia te koutou, pe mai i iētahi tino,

2 Kolinito 10:18

Auā, ko ki tātou e talia oioti e te Aliki pe kāfai ki tātou e lelei i tana kikila, kae hē ona ko ho tātou manatu ko ki tātou e lelei.

Mataio 6:2

“Ko te mea ia, kāfai e fōki hau mea mo he tino mativa, nahe fakapiha lele ke iloa e tagata e vē ko faiga a tagata āmio pepelo e fai i loto o nā hūnako ma luga o nā auala. E fai e ki lātou kae ke maua ai ni o lātou vīkiga. E takutino atu e au ki a te koutou, ko tēnā oioti lava to lātou taui ka maua.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 8:54

Kua tali atu ia Iehu, “Kāfai au e hakili vīkiga mo oku lava, ko te vīkiga tēnā e matuā hēai lava hona aogā. Ko te tino e maua ai e au hoku vīkiga ko toku Tamana — ko ia tēnā e lea koutou ko te koutou Atua.

Luka 19:17

Ma kua lea atu te aliki, ‘Mālō ni, te kaukauna lelei! Ona ko koe kua fakamāoni i nā tamā mea, ka kō tōfia ai koe ke pule i nā kakai e hefulu.’

1 Petelu 3:4

Kae ko te aulelei o koutou, e tatau ko nā mea e moni i loto lava o koutou, te aulelei e hē teka lele o te agaga agamalū ma fīlēmū. Ko tēnei te mea e hili atu te tāua i te kikila a te Atua.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Ioane 7:18

Ko te tino e tautala i tana lava pule, e ia hakilia ni ona lava vīkiga. Ka ko te tino e ia hakilia he vīkiga mo tē na ia uga maia ia, e hako lava ia, ma e hēai he mea e fokotahi e hehē ai.

Loma 2:29

Ka ko te Iutaia moni, ko ia tēnā e Iutaia i loto, ma ko te pelitome moni ko he mea e i te fatumanava o te tino — he mea e māfua ona ko te gāluega a te Agaga Paia, kae hē ona ko te Tūlāfono kua tuhituhia. Ko te tino e vēnei, e maua e ia he vīkiga mai te Atua, kae hē mai tagata.