Ioane 12:29 - Tokelauan New Testament

²⁹ Na lagona e te kaifenua nae tutū i kinā te leo, ma na lea iētahi ko he faititili, ka ko iētahi na lea vē, “Ko he agelu na tautala ki a Iehu.”

Ioane 12:29 Referans Kwoze

Fakaaliga 14:2

Ma na lagona e au he leo mai te lagi e vē ko te gugulu o he tai galu lahi, e vē ko te gāpāpā o he tāgulu. Ko te leo na lagona e au e vē ko nā muhika e ta i nā kītala.

Fakaaliga 11:19

Oi tatala ai te mālumalu o te Atua i te lagi, ma na kitea ai i kinā te Puha o te Feagaiga. Oi kānapanapa ai nā uila, gāpāpā nā tāgulu, ma lūlū he mafuie, ma to nā ua aiha mamafa.

Fakaaliga 8:5

Oi tago ai te agelu ki te ipu fakamū meamanogi oi fakatumu i nā malala ola mai te afi i te fata faitāulaga, ma togi ifo ki te lalolagi. Kua gāpāpā ia faititili ma tāgulu, kānapanapa ia uila ma lūlū he mafuie.

Fakaaliga 6:1

Oi kō kitea atu ai te Punuamāmoe e tatala e ia te fakamaufakailoga muamua o nā fakamaufakailoga e fitu, ma na kō lagona tētahi o nā meaola e fa e lea vē i he leo lahi e vē ko te gugulu a he tāgulu, “Hau!”

Gāluega 9:7

Ko nā tamāloa nae malaga fakatahi ma Haulo kua tutū ma kua hēai he tino e vaivaia; na ki lātou lagona te leo kae e hēki ki lātou kitea he tino.