Ioane 12:1 - Tokelauan New Testament

¹ Kua toe ono ia aho oi pa ki te Pāheka, oi fano ai ia Iehu ki Petania, ki te fale o Lahalo, te tamāloa na fakatū e ia mai te oti.

Ioane 12:1 Referans Kwoze

Luka 24:50

Oi tataki ai ki lātou e ia ki fafo o te kakai, ke pa ki Petania, oi hiki ake ai ona lima ki luga, ma fakamanuia ki a te ki lātou.

Ioane 12:20

E i ei ni tino Eleni nae i te vāega na olo ki Ieluhalema ke tāpuaki ai i te taimi o te Kaiga Fakamanatu o te Pāheka.

Ioane 11:55

Kua tafapili ki te taimi o te Kaiga Fakamanatu o te Pāheka, ma e tokalahi nā tino na oatu mai nā nuku i tua ki Ieluhalema, ke fakataunuku nā mea e tatau ke fai ke mamā ai ki lātou i nā mea tau tāpuakiga, ka ko hēki kāmata te Pāheka.

Ioane 11:1

Nae i ei he tamāloa e igoa ki a Lahalo nae nofo i Petania, na tauale. Ko Petania ko te kakai ia nae nonofo ai ia Malia ma tona uho ko Mafa.

Mataio 21:17

Oi fano kehe ai ia Iehu mai ia te ki lātou, kua fano ki fafo o te kakai ki Petania, ma ko kinā na mālōlō ai i te pō.

Ioane 11:44

Kua hau ki fafo ia Lahalo, ko ona vae ma ona lima e fuhi i ni fuhi, ma nā mata e pulupulu i he kie. Oi lea atu ai ia Iehu ki a te ki lātou “Tatala kehe nā fuhi, oi tuku ai ke fano.”

Maleko 11:11

Kua pa atu ia Iehu ki loto o Ieluhalema, oi fano ai ki loto o te Mālumalu. Kua fakaholoholo tana kikila ki nā mea uma lele i loto. Kae ona kua pōgia, na olo ai ki Petania ma ona hoko e toka hefululua.

Luka 7:37

Nae i te kakai tēnā he fafine nae ola i he ōlaga agahala, ma i te ia lagonaga ko Iehu e kai i te fale o te Falehaio, oi fakatau ai e ia he fagu na gaohia i te alapaha, e tumu i nā lolo manogi taugatā.

Ioane 11:43

Kua lea vēnā atu ia, oi kalaga leo lahi ai vē, “Lahalo, hau ki fafo!”

Ioane 12:9

I te lagonaga e te tokalahi o tagata Iutaia ko Iehu e i Petania oi olo ai ki ei, e hē ona ko Iehu oioti, kae na fia kikila foki ki a Lahalo, tēia na fakatū e Iehu mai te oti.

Ioane 12:12

I te aho alafaki, na lagona ai e te kaifenua tokalahi na ōmamai ki te Kaiga Fakamanatu o te Pāheka, ko Iehu e hau ki Ieluhalema.