Ioane 11:54 - Tokelauan New Testament

⁵⁴ Ko te mea ia na hēki toe feoaki ai ia Iehu i nā mea e kitea ai ia e nā tino Iutaia, kae kua fano ki he mea e pili ki te togāvao, ki te kakai e igoa ki a Efalaima, ma na nonofo ai i kinā ma ona hoko.

Ioane 11:54 Referans Kwoze

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Ioane 7:4

Auā e hēai he tino e ia mumunia ana gāluega e fai, kāfai e fofou ke iloa ia e tagata. Kāfai ko nā mea iēnei e fai e koe, fakailoa la ki te lalolagi kātoa, kae ke iloa ai koe e tagata!” (

Ioane 18:20

Kua tali atu ia Iehu, “Ko au e tautala pea lava i mua o tagata; ma ko aku akoakoga e fai lava i loto o nā hūnako ma loto o te Mālumalu, nā mea e fakapotopoto ki ei nā tino Iutaia uma. E hēai he mea kua lea ai au, e mumunia i nā tino.

Ioane 10:40

Oi toe fano ia Iehu ki tētahi itū o te Vaitafe ko te Iolitana, ki te mea nae fai ai te papatihoga a Ioane, ma nofo ai i kinā.

Ioane 7:13

Kae ona ko te lātou mātataku i nā takitaki o Iutaia, na hēki tautatala leo lalahi ai ke lagona e tagata.

Ioane 7:10

Kua olo nā uho o Iehu ki te Kaiga Fakamanatu, oi fano ai foki ia Iehu ki ei, kae e hēki fakailoa lele ki he tino.