Ioane 11:41 - Tokelauan New Testament

⁴¹ Oi kave kehe ai e ki lātou te fatu. Kua kikila ake ia Iehu ki te lagi ma vē ake, “Te Tamana, ko au e fakafetai atu ki a te koe, auā kua kē lagona mai au.

Ioane 11:41 Referans Kwoze

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Ioane 17:1

Kua uma te lea atu o Iehu i te mea iēnei, oi kikila ake ai ki te lagi ma lea vē, “Te Tamana, kua pa mai te itūlā. Fakailoa ko te mamalu o te Ataliki, kae ke fakailoa ai e te Ataliki te mamalu o koe.

Luka 10:21

I te taimi lava tēnā, na fakatumulia ai ia Iehu e te Agaga Paia i te fiafia lahi ma lea vē ake ai, “Te Tamana, te Aliki o te lagi ma te lalolagi! Ko au e fakafetai atu ki a te koe, auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia. Io, te Tamana, ko te mea lava tēnei na fofou koe ke fai.

Filipi 4:6

Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

Luka 18:13

“Kae ko te aolāfoga, nae tū mamao mai, ma e hēki kikila ake foki ona mata ki te lagi, ka nae pōpō tona fatafata, ma lea vē, ‘Te Atua, alofa mai ko ki a te au te tagata agahala!’ ”

Mataio 11:26

Io, te Tamana, ko te mea lava tēnei na fofou koe ke fai.

Mataio 27:60

ma tuku ki loto o te tugamau na fātoā uma te keli ki loto o he itū-mauga papa mo ia lava, ma ko hēki fakaaogā lele. Oi fuli ai e ia he fatupae lahi, kua pupuni ai te gutu o te tugamau, oi fano kehe ai loa.

Maleko 15:46

Kua fakatau mai e Iohefa he kie vavae, oi tuku ifo ai e ia te tino o Iehu ki lalo mai te hātaulo, kua āfīfī i he kie vavae, oi tuku ai ki loto o he tugamau na keli ki loto o he itū-mauga papa. Oi fuli ai e ia he fatupae lahi, kua pupuni ai te gutu o te tugamau.

Luka 24:2

Na maua atu e ki lātou, ko te fatupae nae i te faitotoka o te tugamau, kua fuli kehe,

Ioane 11:22

Kae e pa foki lava nei, e iloa e au ka fōki atu e te Atua ki a te koe, ho he mea lava e gogō atu ai koe ki te ia.”

Ioane 20:1

I te taeaopō o te aho Hā ka koi pōuli, na fano ai ia Malia te Makatala ki te tugamau, ma na ia kitea ai ko te fatupae nae pupuni ai kua kave kehe.

Gāluega 7:55

Ka ko Hetefano kua fakatumulia i te Agaga Paia; kua kikila ake ki te lagi ma ia kitea atu te huhulu pupula o te Atua, ma Iehu e tū i tona itū taumatau.