Ioane 11:28 - Tokelauan New Testament

²⁸ Kua uma te lea vēnā o Mafa, oi toe liliu ai ki tona uho ko Malia, ma lea mālie atu ki ei, “Ko te Faiakoga kua i kinei, ma e fia kikila ki a te koe.”

Ioane 11:28 Referans Kwoze

Ioane 13:13

Ko au e fakaigoa e koutou ko te Faiakoga ma ko te Aliki, ma e hako lava koutou, auā ko tēnā lava au.

Ioane 11:20

I te lagonaga e Mafa ko Iehu kua hau, oi fano ai oi fakafetaui ki ei, kae ko Malia kua nofo i te fale.

Maleko 10:49

Oi tū ai loa ia Iehu, kae vē atu tana kupu ki ona hoko, “Kalaga ki te tāuaho ke hau.” Na kālalaga loa ki lātou ki te tāuaho, kua lea vē atu ki ei, “E, fakamākeke! Tū ki luga, ko Iehu e lea atu ko koe ke hau.”

Ioane 21:7

Kua lea atu te hoko, tē e alofa ki ei ia Iehu, ki a Petelu, “Ko te Aliki tēnei!” I te lagona atuga e Himona Petelu ko te Aliki, oi toe fai ai tona kofu pito ki fafo ona na ia tatala kehea, kae oho ki te tai.

Ioane 20:16

Kua vāgana atu ia Iehu ki a te ia, “Malia!” Kua fakahaga tonu atu ia Malia ki a te ia ma lea vē atu ki ei i te gagana Epelu, “Lāponi.” (Ko tona uiga “Te Faiakoga.”)

Ioane 10:3

E tatala ki a te ia te faitotoka e te leoleo faitotoka, ma e lagona e nā māmoe tona leo. E kalaga ki ana māmoe i o lātou igoa, ma e ia takitakia ki lātou ki fafo.

Ioane 1:45

Kua maua e Filipo ia Natanielu, oi lea atu ai ki ei, “Kua maua e ki mātou te tino na lea ai ia Mohe i te tuhi o te Tūlāfono, ma na tākua foki i nā tuhituhiga a te kau pelofeta. Ko Iehu tona igoa, te ataliki o Iohefa mai Nahaleta.”

Ioane 1:41

Na maua muamua e ia tona uho ko Himona, oi lea vē atu ai ki ei, “Kua maua e ki māua te Mehia” (Ko te uiga o te kupu tēnei “Keliho.”)

Luka 22:11

oi lea ai ki te tino e o ia te fale, ‘Ko te Faiakoga e lea atu ki a te koe, Tēfea te potu ka kakai ai au ma oku hoko i te kaiga o te Pāheka?’

Maleko 14:14

oi lea ai ki te tino e o ia te fale: ‘Lea mai te Faiakoga, Tēfea te potu ka kakai ai oku hoko ma au i te kaiga o te Pāheka?’

Mataio 26:18

Kua lea atu ia Iehu ki a te ki lātou, “Olo ki he tamāloa i te kakai ma lea vē ki ei: ‘Lea mai te Faiakoga, Ko toku taimi kua pa mai; ko oku hoko ma au ka oatu mo te Kaiga Fakamanatu o te Pāheka i tō fale.’ ”

Epelu 12:12

Ko te mea ia, tutū hako loa ki luga ma ke nahe tete outou tulivae!

1 Tehalonia 5:11

Ko te mea ia e tatau ai lava koutou ke fakamākeke ma fehoahoani tētahi ki tētahi, e vē lava ko te mea e fai e koutou i te taimi nei.

Ioane 11:29

I te lagona atuga e Malia o te mea tēnei, oi tū vave ai loa ki luga kua fano oi fakafetaui ia Iehu. (

Ioane 11:30

Ko Iehu ko hēki pa ki te kakai, kae koi i ei lava i te mea na fakafetaui ai e Mafa.)