Ioane 11:25 - Tokelauan New Testament

²⁵ Kua vāgana atu ia Iehu, “Ko au ko te toetū ma te ola. Ko nā tino e talitonu mai ki a te au ka ola, e ui lava e oti;

Ioane 11:25 Referans Kwoze

1 Tehalonia 4:14

Ko ki mātou e talitonu ko Iehu na oti oi toe tū mai ai, oi ko ki mātou la e talitonu ka toe kave lava e te Atua ma Iehu, nā tino na oti kae talitonu ki a te ia.

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Ioane 1:4

Ko te Kupu ko te puna o te ola, ma ko te ola tēnei na kaumaia te mālamalama ki tagata.

Ioane 5:21

E vē ona fakatutū e te Tamana nā tino kua oti ma fōki ki ei te ola, e vēnā foki ona fōki atu e te Ataliki te ola, ki nā tino e loto ia ke ki lātou maua.

Ioane 6:44

E hē mafai nā tino ke ōmamai ki a te au, vaganā e takitaki mai ki a te au e te Tamana, tē na ia uga maia au; ma e kō fakatutūa ki lātou ki te ola, i te aho mulimuli.

Loma 8:2

Auā ko te tūlāfono a te Agaga o te Atua, tēia e maua ai e ki tātou te ola i te māfutaga ma Keliho Iehu, kua maua ai e au te haolotoga mai te tūlāfono o te agahala ma te oti.

Ioane 6:35

Kua tali mai ia Iehu, “Ko au ko te falaoa o te ola. Ko nā tino e ōmamai ki a te au, e hē toe fia kakaia lele; ko nā tino e talitonu mai ki a te au, e hē toe fia inua lele.

Fakaaliga 21:4

Ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā. Ko nā mea tuai kua mou kehe atu.”

Filipi 3:10

Oioti lava la te mea e fofou au ki ei, ke iloa e au ia Keliho ma te mana o tona toetū, ke puapuagā au e vē ko ia, ma ke oti foki au e vē ko ia

Fakaaliga 20:5

(Ko iētahi tino oti e hēki mafai ke toe ola mai heiloga kua kātoa te afe tauhaga.) Ko te taimi muamua tēnei kua fakatutū ai ni tino mai te oti.

Gāluega 3:15

Na tāmate e koutou te tino e takitaki e ia ia tagata ki te ola moni, kae kua toe fakatū e te Atua mai te oti — ma ko ki mātou ni molimau ki te mea tēnei.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 5:26

Auā ko te Tamana lava ia te puna o te ola, ma kua vēnā foki oi kavea e ia tona Ataliki, ke fai ma puna o te ola.

Fakaaliga 22:17

Kua lea vē te Agaga ma te Teine Fakaipoipo, “Hau!” Ko ai lava e ia lagona te mea tēnei, e tatau foki ke lea, “Hau!” Ko ai lava e fia inu, hau oi talia te vai o te ola, e hēai he totogi.

Ioane 14:19

Toeititi oi hē toe kitea au e te lalolagi, kae ka koutou kitea au; ma ona ko au e ola, ka ola ai foki koutou.

Filipi 1:23

E fetoho lava i toku māfaufau nā mea iēnei e lua. Ko au e fofou keina tukua e au te ola tēnei ke fakatahi ma Keliho, auā e hili atu tēnā;

Fakaaliga 22:1

Na fakaali mai foki e te agelu ki a te au te vaitafe o te vai o te ola, e pāgilagila e vē ko he tioata, ma e tafe mai i te nofoāliki o te Atua ma o te Punuamāmoe,

2 Kolinito 4:14

E iloa e ki mātou ko te Atua, tē na ia fakatūa te Aliki ko Iehu ki te ola, ka ia fakatutūa foki ki mātou ma Iehu, ma ia kavea ai ki mātou fakatahi ma koutou, ki te mea e i ei ia.

Loma 4:17

e vē oi tūhia i te tuhituhiga paia, “Kua kō faia koe ma tamana o mālō e lahi.” Ko te folafolaga la e lelei i te kikila a te Atua, te Atua nae talitonu ki ei ia Apelaamo — te Atua e ia toe fakatutūa nā tino kua oti, ma ko tana fakatonuga e maua ai te ola e nā mea nae hēki i ei muamua.

Luka 23:43

Kua vāgana atu ia Iehu ki ei, “Ko au e lea atu moni ki a te koe, ko te aho nei ka fakatahi ai ki tāua i Palataiho.”

1 Kolinito 15:29

E vē la ki nā tino e ki lātou papatihoa nā tino kua oti. He ā te fofou ki lātou ke ki lātou maua? Kāfai e hako, e vē oi lea iētahi ko nā tino kua oti e hē toe fakatutūa ki te ola, he ā la te papatiho ai nā tino kua oti?

1 Kolinito 15:18

Ko tona uiga foki ko nā tino kua oti ka nae mulimuli ki a Keliho, kua malaia.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.