Ioane 10:3 - Tokelauan New Testament

³ E tatala ki a te ia te faitotoka e te leoleo faitotoka, ma e lagona e nā māmoe tona leo. E kalaga ki ana māmoe i o lātou igoa, ma e ia takitakia ki lātou ki fafo.

Ioane 10:3 Referans Kwoze

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Ioane 10:4

Kāfai e kave e ia nā māmoe ki fafo, e fano ki mua o ki lātou, oi mulimuli ai ki lātou ki a te ia auā e ki lātou matea tona leo.

Ioane 10:16

E i ei iētahi aku māmoe e hē i loto o te lōtoā tēnei. E tatau ke kō kaumaia foki ki lātou, ma ka uhitaki ki lātou ki toku leo. Oi ka tahi ai te lafu māmoe, ma tahi foki te leoleomāmoe.

Ioane 10:14

Ko au ko te leoleomāmoe lelei. E vē ona iloa au e te Tamana ma iloa e au te Tamana,

Fakaaliga 3:20

Kikila, ko au e tū i te faitotoka ma tukituki atu; kāfai he tino e ia lagona toku leo ma tatala mai e ia te faitotoka, ka fanatu au ki loto o tona fale ma kakai fakatahi ki māua.

Fakaaliga 7:17

auā ko te Punuamāmoe, tē ei lototonu o te nofoāliki, ka fai ia ma o lātou leoleomāmoe, ma ka ia takitakia ki lātou ki nā vaipuna o te vai o te ola. Ma ka holoi kehe e te Atua nā loimata uma mai o lātou mata.”

Loma 8:30

Ma ko ki lātou na muamua tōfia e te Atua, na kalagagia e ia; ma ko ki lātou na kalagagia e ia, na fakaleleia to lātou va ma ia; ma ko ki lātou na ia fakaleleia to lātou va ma ia, na i ei fakatahi ki lātou ma ia i tona mamalu.

Ioane 6:45

Na tūhia e nā pelofeta, ‘Ko tagata uma ka akoakogia e te Atua.’ Ko nā tino uma e fakalogo ki te Tamana ma maua ho lātou akoakoga mai ia te ia, e ōmamai ki a te au.

Ioane 6:37

Ko nā tino uma lele e fōki mai e toku Tamana ki a te au, e ōmamai lava ki a te au. E hē kō tetekea lele he tino e hau ki a te au,

Fakaaliga 20:15

Ko nā tino e hēki tūhia o lātou igoa i loto o te tuhi o te ola, kua togi ki loto o te vaitūloto o te afi mumū.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

Filipi 4:3

Ma ko koe foki toku hoa moni, ko au e fofou ko koe ke fehoahoani ki nā fafine iēnei; auā nae gālulue mālohi ki lāua fakatahi ma au i te tālakiga o te Tala Lelei, fakatahi ma Kelemete ma iētahi hoā kaukauna, iēia kua tūhia o lātou igoa i te tuhi o te ola, a te Atua.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Kolinito 16:9

E i ei te avanoa tāua i kinei ke fai ai ni aku gāluega aogā, e ui lava e tokalahi nā tino e teteke mai ki a te au.

Ioane 10:9

Ko au ko te faitotoka. Ko nā tino e kui mai ia te au, ka fakahao; ka ōmamai ki loto ma olo ki fafo ma ki lātou maua te vao lelei.

1 Ioane 4:6

Kae ko ki tātou e o te Atua. Ko nā tino e ki lātou iloa te Atua e fakalogo mai ki a te ki tātou; ko nā tino e hē o te Atua e hē fakalogo mai ki a te ki tātou. Ko te mea la tēnei e ki tātou iloa ai te kehekehega i te va o te Agaga o te meamoni ma te agaga o te meahehē.

3 Ioane 1:14

E fakamoemoe au ka feiloaki ki tātou i he taimi lata mai, oi kua faitatala fakatahi ai ki tātou.