Ioane 1:26 - Tokelauan New Testament

²⁶ Kua tali mai ia Ioane, “E kō papatihoa koutou i te vai, kae e i kinā ia te koutou he tino, e hē koutou iloa.

Ioane 1:26 Referans Kwoze

Gāluega 1:5

Na papatiho e Ioane ia tagata i te vai, kae i ni nai aho, ko koutou ka papatiho i te Agaga Paia.”

Luka 3:16

Oi lea atu ai ia Ioane ki a te ki lātou uma, “E kō papatihoa koutou i te vai, kae e hau tē e hilihili lele atu tona mamalu i lo au, ma e hē aogā au ke kō tatala ona hēvae. Ka ia papatihoa koutou i te Agaga Paia ma te afi.

Maleko 1:8

Kua kō papatihoa koutou i te vai, kae ka ia papatihoa koutou i te Agaga Paia.”

Mataio 3:11

E kō papatihoa koutou i te vai ke iloa ai ko koutou kua halamō, kae ko tē e mulimuli mai ia te au, e hilihili kehe atu tona mamalu i lo au, ma e hē aogā au ke kō taukaveagia ona hēvae. Ka ia papatihoa koutou i te Agaga Paia ma te afi.

Ioane 8:19

Oi lea mai ai ki lātou ki a Iehu, “E i fea tō Tamana?” Kua tali atu ia Iehu, “E hē koutou iloa au, pe ko toku Tamana. Kana koutou iloa au, e koutou iloa foki toku Tamana”

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.

Gāluega 11:16

Oi kō manatua ai te vāgana a te Aliki, ‘Na papatiho e Ioane i te vai, kae ka papatiho koutou i te Agaga Paia.’

Ioane 17:25

Te Tamana āmiotonu, ko koe e hē iloa e te lalolagi, kae e kō iloa koe, ma e iloa e nā tino e mulimuli mai ki a te au, ko au na uga mai e koe.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 16:3

Ka fai e nā tino nā mea iēnei ki a te koutou, auā ko hēki ki lātou iloa te Tamana pe ko au.

Mataio 3:6

Kua tōlaulau atu a lātou agahala, oi papatiho ai ki lātou e ia, i loto o te vaitafe ko te Iolitana.

Gāluega 19:4

Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”