Ioane 1:19 - Tokelauan New Testament

¹⁹ Ko tēnei te molimau a Ioane, i te uga atuga e nā takitaki o Iutaia i Ieluhalema ni ohitāulaga ma ni ha-Levī ke fehili vē ki ei, “Ko ai koe?”

Ioane 1:19 Referans Kwoze

Ioane 10:24

kae ōmamai nā tino Iutaia kua fakapotopoto fakatāmilo ia te ia ma fehili vē mai ki ei, “He ā te mataloa ka mumuni ai pea e koe te meamoni mai ia te ki mātou? Kāfai ko koe ko te Mehia, taku hako mai la ki a te ki mātou!”

Gāluega 19:4

Kua lea atu ia Paulo ki ei, “Ko te papatihoga a Ioane, e mo ki lātou kua liliu kehe mai a lātou agahala; ma na lea foki ia Ioane ki tagata o Ihalaelu ke talitonu ki te tino e hau mulimuli mai ia te ia — ko tona uiga, ko Iehu.”

Gāluega 13:25

Ma kua tau fakauma te gāluega a Ioane, oi lea vē atu ai ki tagata, ‘Ko koutou nei e vēakē ko ai au? E hē ko au te tino e fakatalitali koutou ki ei. Kae fakalogo mai! Ko te tino e fakatalitali koutou ki ei e hau mulimuli kāfai e uma aku gāluega, ma e hē aogā au ke kō tatala kehea nā taka mai ona vae.’

Ioane 2:18

Ona ko te mea na fai e Iehu i te Mālumalu, na ōmamai ai ki a te ia nā tino Iutaia ma he lātou fehili e vēnei, “He ā he fakailoga e kē faia, ke fakamāonia ai ki a te ki mātou, kua ia te koe te pule ke fai ai te mea tēnei?”

Ioane 5:10

oi lea atu ai nā takitaki o Iutaia ki te tamāloa na fakamālōlō i tona tauale, “Ko te Hāpati te aho tēnei, ma e fakahā i te tātou Tūlāfono, ke hiki tō moega.”

Ioane 6:52

Oi kāmata ai kua tauaikupu nā tino Iutaia, ma lea vē, “E vēhea ona fōki mai e te tagata nei tona kanofi ke kai e ki tātou?”

Ioane 6:41

Oi kāmata ai kua mūimui ia tagata Iutaia e uiga ki a te ia, ona na lea vē, “Ko au ko te falaoa na fanaifo mai te lagi.”

Ioane 1:7

na hau ke fai ma molimau, ma fakailoa atu ki tagata e uiga ki te mālamalama, kae ke talitonu uma ai ki lātou ona ko ia.

Ioane 2:20

Kua lea atu nā takitaki o Iutaia, “E fahefulu ono ia tauhaga na fau ai te Mālumalu tēnei, kae e kē toe faua i ni aho e tolu?”

Ioane 5:15

Oi fano ai te tamāloa kua lea ki nā takitaki o Iutaia, ko Iehu te tino na ia fakamālōlōa ia.

Ioane 5:16

Oi kāmata ai ia fakahāuāga a takitaki o Iutaia ki a Iehu, ona na ia fakamālōlōa he tino i te Hāpati.

Ioane 5:18

Ko te kupu iēnei a Iehu na ātili ai lava te fia tāmate ki ei o nā takitaki o Iutaia. Ona kua hē gata i te ia holia o te Hāpati, kae kua lea foki ko tona Tamana ko te Atua, ma ia fakatutuhagia ia ma te Atua.

Ioane 7:1

Kua uma atu te mea tēnei, oi femalagaaki ai ia Iehu i loto o Kalilaia; e hēki fofou ke fano ki Iutea, auā ko ia e hakili e nā takitaki o Iutaia i kinā, ke tāmate.

Ioane 7:11

Ko nā takitaki o Iutaia nae ki lātou hakilia ia Iehu i te Kaiga Fakamanatu, kua lea vē, “E i fea te tagata nei?”

Ioane 7:15

Na ofo lele nā takitaki o Iutaia ma lea vē, “E vēhea ona iloa e te tagata nei te lahi o nā mea iēnei, kae ko he tino e hēki pa lele ki ni akoakoga?”

Ioane 8:22

Oi lea vē ai nā takitaki o Iutaia, “E lea mai ko ki tātou e hē mafai ke olo ki te mea e fano ia ki ei. Ko tona uiga nei ka fano oi pule ki tona ola?”

Ioane 8:48

Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Ioane 8:52

Kua lea atu ki lātou ki a te ia, “Kua ki mātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele.

Ioane 8:57

Kua lea atu ki lātou ki a te ia, “Ko hēki kātoa hō lima hefulu tauhaga — ka kua kē kitea ia Apelaamo?”

Ioane 10:31

Oi toe papae ifo ai nā tino Iutaia ki ni fatu ka fetogi ai ia Iehu.

Ioane 11:19

ma e tokalahi nā tino Iutaia na ōmamai oi fakamāfanafana ki a Mafa ma Malia, ona ko te oti o to lā tuagane.

1 Ioane 1:5

E vēnei la te fekau kua fakailoa mai e tona Ataliki ki a te mātou: Ko te Atua ko te mālamalama, ma e hēai lele he pōuliuli ia te ia.