Gāluega 9:21 - Tokelauan New Testament

²¹ Ko nā tino uma na ki lātou lagona ia Haulo, na ōfo lele ma fakatau fehili vē, “E hē ko te tagata tēnei te nae ia tāmatea nā tino nae tāpuaki ki te tino e igoa ko Iehu i Ieluhalema? E hē ko te māfuaaga ia na hau ai ki kinei, ke puke fakapagotā nā tino iēnei ma kave ki te kau ohitāulaga hili?”

Gāluega 9:21 Referans Kwoze

Gāluega 8:3

Kae ko Haulo nae taumafai lava ke fakahēai te Ekalehia; na fano ki loto o nā fale o tagata takitahi ma toho ki fafo nā tino kua talitonu ki a Iehu, ko taulelea ma fafine, ma fakatonu ke kave oi togi ki te falepuipui.

2 Tehalonia 1:10

i te Aho e hau ai ke kavatu ki ei nā vīkiga mai tagata uma o ia, ma fakaeke atu ki ei te mamalu mai ia te ki lātou uma kua talitonu. Ko koutou foki ka i ei fakatahi ma ki lātou, ona ko koutou kua talitonu ki te fekau na lea atu ai ki mātou.

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.

Gāluega 4:13

Na ofo nā tino o te Taupulega ki nā fakamatalaga a Petelu ma Ioane ona ko te hē mātataku, kae maihe lava i te ki lātou iloaga ko te toka lua tēnei e hē ni tino e lauiloa pe na akoakogia. Oi hāfia ai e ki lātou ko te toka lua tēnei nae ni hoa e o Iehu.

Gāluega 3:10

ma i te matea atuga e ki lātou ko te tino tēnei ko te pipili nae nofo i te Faitotoka Gali ma kaitagōgō ki tagata, na matuā tēteki lele ma ōfo ki te mea kua tupu ki ei.

Gāluega 2:12

Ona ko te ōfo lahi ma te nunumi o nā māfaufau o ki lātou, na fakatau fehili ai lava tētahi ki tētahi vēia, “He ā te uiga o te mea tēnei?”

Gāluega 2:6

I te ki lātou lagonaga o te leo tēnei, oi na potopoto ai he kaifenua e tokalahi. Na tēteki uma ki lātou auā na lagona atu e ki lātou tau tokatahi uma, ko nā tino kua talitonu ki a Iehu e tautatala i nā gagana a ki lātou tau tokatahi.

Gāluega 7:59

Ka koi fai lava te lātou gāluega ko te fetogiga o Hetefano, ka kua fai te tatalo a Hetefano, “Iehu te Aliki, talia mai ko toku agaga!”

Gāluega 9:22

Kae kua ātili ai te mālohi o te faiga o te tālakiga a Haulo, ma ko te mautū o nā fakamāoniga a ia ko Iehu ko te Mehia, kua hē mau tali ai ki ei nā tino Iutaia nae nonofo i Tamaheko.