Gāluega 9:16 - Tokelauan New Testament

¹⁶ Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

Gāluega 9:16 Referans Kwoze

1 Tehalonia 3:3

kae nahe i ei he tino o koutou e toe holomuli ona ko nā fakahāuāga. E iloa lelei lava e koutou ko nā fakahāuāga ko he vāega lava tēnā o te finagalo o te Atua mo ki tātou.

Gāluega 21:11

Kua hau ki a te ki mātou ma tago ki te lītua o Paulo, ma noanoa ai lava e ia ona vae ma ona lima, oi lea vē ai, “Ko tēnei te vāgana a te Agaga Paia: Ko te tino e o ia te lītua tēnei, ka noanoa vēnei lava e tagata Iutaia i Ieluhalema, oi tukulima atu ai e ki lātou ki tagata nukukehe.”

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

Ioane 15:20

Manatua te mea na lea atu ai au ki a te koutou: ‘E hē hili atu nā pologa i lo to lātou matai.’ Kāfai au na hāuāgia e tagata, ka vēnā foki ona hāuāgia koutou; kāfai na uhitaki mai ki lātou ki aku akoakoga, ka vēnā foki ona uhitaki atu ki lātou ki autou akoakoga.

1 Petelu 4:14

Amutia koutou kāfai koutou e tauemua e tagata ona ko koutou e mulimuli ki a Keliho; ko te uiga o te mea tēnei ko te Agaga mamalu, te Agaga o te Atua, e fakatahi ma koutou.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

Mataio 5:11

“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku.

Mataio 24:9

“Oi ko koutou ka puke ma tuku atu ke fakahāuāgia ma tāmate. Ka inohia koutou e mālō uma o te lalolagi ona ko au.

2 Timoteo 3:11

nā fakahāuāga na pa au ki ei, ma oku puapuagā. Kua kē iloa nā mea uma na tutupu ki a te au i Anitioka, Ikononu, ma Luotala, nā fakahāuāga mātuiā na pa au ki ei! Kae na laveaki au e te Aliki mai nā mea uma iēnei.

Gāluega 21:4

Na fetaui ki mātou i kinā ma ni tino Kelihiano, oi nonofo ai ki mātou ma ki lātou, i he vaiaho. E ala i te mana o te Agaga, na lea ai ki lātou ki a Paulo ke nahe fano ki Ieluhalema.

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.

Gāluega 9:14

Ma kua hau ki Tamaheko ma te pule mai nā ohitāulaga hili, ke puke fakapagotā ai ki lātou uma e tāpuaki atu ki a te koe.”

Gāluega 9:6

Kae tū ki luga oi fano ki te kakai, ko kinā ka taku atu ai ki a te koe tau mea e tatau ke fai.”

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 21:13

Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”