Gāluega 9:10 - Tokelauan New Testament

¹⁰ Nae i Tamaheko he tino kua talitonu ki te Aliki e igoa ki a Anania. Na ia kitea he fakaaliga na vāgana vē ake ai te Aliki ki a te ia, “Anania!” Kua tali atu ia, “Te Aliki, ko au tēnei.”

Gāluega 9:10 Referans Kwoze

Gāluega 22:12

“Nae i te kakai tēnā he tino e igoa ki a Anania, he tino lotu nae uhiuhitaki ki te tātou Tūlāfono, ma nae fakaaloalogia lahi lele e nā tino Iutaia e nonofo i kinā.

Gāluega 10:3

E tuha ko te tolu i te afiafi kae ia kitea manino i he fakaaliga, he agelu a te Atua kua ulu mai ki te fale oi lea vē ake ki a te ia, “Konelio!”

Gāluega 2:17

‘Kua vāgana te Atua: Ko tēnei te mea ka kō faia i nā toe aho: Ka kō liligia toku Agaga ki luga o tagata uma. Ka tālaki e autou fānau taku fekau; ka kitea e outou taulelea talavou ni fakaaliga, ma ka fai miti nā tino mātutua.

Gāluega 9:9

E tolu ia aho na hē mafai ai ke ia kitea he mea, oi e hēki kai foki pe inu i te taimi tēnā.

Gāluega 11:5

“Ko au nae tatalo i te kakai ko Iopa, oi kō kitea ai he fakaaliga. He mea e fanaifo mai te lagi e vē he mātuā kiekafu, e tukutuku ifo i ona pito e fa, ma fanaifo ki oku tafa.

Gāluega 12:9

Kua mulimuli ki ei ia Petelu ki fafo o te falepuipui, kae hē ia hāfia pe ko te mea a te agelu e fai e moni; na vēake lava ko he fakaaliga te na ia kitea.

Gāluega 16:9

Ma i te pō tēnā, na kitea ai e Paulo i he fakaaliga, he tino Maketonia e tū kae fakatālohaga vēnei ake, “Hau ko ki Maketonia, oi fehoahoani ki a te ki mātou!”

Gāluega 16:10

I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Gāluega 18:9

I tētahi pō, na kitea ai e Paulo te Aliki i he fakaaliga e lea vē mai ki a te ia, “Ia koe nahe mataku, kae tautala pea lava ki a te ki lātou, ma nahe kē fakavāivai lele,

2 Kolinito 11:32

Ka koi i ei au i Tamaheko, na fakatonu nā fitafita e te kōvana i lalo o te Tupu ko Aleta, ke leoleo nā faitotoka ki te kakai, kae ke ki lātou pukea ai au.

Kalatia 1:17

pe fano ki Ieluhalema ki nā tino na muamua kavea ma apohitolo i lo au. Kae ko au na fano ki te koga e igoa ko Alapi, oi toe liliu ai ki Tamaheko.

Gāluega 9:12

ma i he fakaaliga, na ia kitea ai he tino e igoa ki a Anania kua ulu ake ma fakauta ona lima ki ona luga, kae ke mafai ai ke toe kikila ona mata.”