Gāluega 8:25 - Tokelauan New Testament

²⁵ Kua uma te fai o te takutinoga ma te fakailoa atuga o te fekau a te Aliki e Petelu ma Ioane, oi toe foki ai ki lāua ki Ieluhalema. Na tālaki e ki lāua te Tala Lelei, ki nā tamā kakai e lahi o Hāmālia, i to lā auala ki Ieluhalema.

Gāluega 8:25 Referans Kwoze

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

Gāluega 28:31

Nae folafola atu e ia te fekau e uiga ki te Mālō o te Atua ma akoako atu e uiga ki te Aliki ko Iehu Keliho, i he agaga hē mataku ma haoloto.

Gāluega 28:28

Kua fakaiku te tautalaga a Paulo oi lea vē ai: “E tatau la ke koutou iloagia, ko te fekau e uiga ki te fakaolataga a te Atua, kua kave ki nā tino nukukehe! Ka fakalogo ki lātou ki ei!”

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Gāluega 18:5

I te taunuku ifoga o Hila ma Timoteo mai Maketonia, oi tuku ai loa e Paulo nā gāluega a ia nae fai kae kua fakaaogā tona taimi kātoa ke folafola ai te fekau ma fakamanino lelei ki tagata Iutaia, ko Iehu ko te Mehia.

Gāluega 8:40

Kua hāfia e Filipo ko ia kua i Ahōto; oi fano ai kua kui loto atu i nā kakai uma ke pa ki Kaihaleia, ma folafola atu te Tala Lelei.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Ioane 15:27

Ma ko koutou foki, ka molimau e uiga ki a te au, auā nae fakatahi lava koutou ma au mai te kāmataga.

Mataio 10:5

Kua uga atu e Iehu nā tamāloa iēnei e hefululua ma nā fakatonuga e vēnei: “Ko koutou e hē olo ki he fenua o tagata nukukehe pe he kakai o Hāmālia.

Luka 16:28

auā e toka lima oku uho — ke fakailoa ki ei kae ke nahe ōmamai ai ki te nofoaga tēnei o puapuagā.’

Gāluega 13:12

Kua kitea e te Kōvana te mea kua tupu, oi talitonu ai; auā na ofo lahi lele i nā akoakoga e uiga ki te Aliki.