Gāluega 6:8 - Tokelauan New Testament

⁸ Ko Hetefano ko he tino na fakamanuiagia lahi e te Atua ma nae ia te ia te mana. Na fai e ia nā vāvega uiga kehe ma nā mea ofoofogia i te mea e i ei ia tagata.

Gāluega 6:8 Referans Kwoze

Gāluega 7:55

Ka ko Hetefano kua fakatumulia i te Agaga Paia; kua kikila ake ki te lagi ma ia kitea atu te huhulu pupula o te Atua, ma Iehu e tū i tona itū taumatau.

Gāluega 6:5

Na fiafia uma lele te fakapotopotoga ki te mea tēnei kua lea ake ai te kau apohitolo; oi na filifili ai e ki lātou ia Hetefano, he tino kua fakatumulia i te fakatuatua ma te Agaga Paia, vēnā ma Filipo, ko Pelokolona, ko Nikanola, ko Timona, ko Pamena, ma Nikolao, he tagata nukukehe mai Anitioka na liliu ki te tāpuakiga Iutaia.

1 Timoteo 3:13

Ko nā tiākono e lelei te faiga o a lātou gāluega, e taku leleia ma fakaaloalogia, ma ki lātou mafaia oi tautatala mālohi, e uiga ki to lātou fakatuatua ki a Keliho Iehu.

Gāluega 6:15

Ko ki lātou uma nae i loto o te fono kua kikila lava ki a Hetefano, ma ki lātou kitea atu ai ko ona mata kua vēia ni mata e o he agelu.

Gāluega 6:10

Kae kua tuku atu e te Agaga o te Atua ki a Hetefano te poto, ma kua hē mautali ai ki lātou ki a te ia.

Gāluega 8:6

Nae fakalogologo lelei ia tagata ki nā mea nae tautala ai ia Filipo, ma kikila ki nā vāvega nae ia faia.

Gāluega 6:3

Ko te mea ia te kau uho, filifili mai ko ni tino o koutou e toka fitu ke ki lātou faia te gāluega tēnei. Ni tino kua fakamoemoegia ma e iloa e tagata kua fakatumulia ki lātou i te Agaga Paia ma i te poto.

Efeho 4:11

Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

Ioane 4:48

Oi vāgana atu ai ki ei ia Iehu, “E hēai lele he tino o koutou e mafai ke talitonu, heiloga kua kikila muamua ki ni fakailoga ma ni mea ofoofogia.”