Gāluega 6:11 - Tokelauan New Testament

¹¹ Ko te mea ia na ki lātou fakaoleolea ai ni taulelea i ni tupe ke fai ni a lātou tala vē, “Na lagona e ki mātou ia Hetefano e faikupu fāifāi ki a Mohe ma te Atua!”

Gāluega 6:11 Referans Kwoze

1 Timoteo 1:13

e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

Loma 3:8

He ā te hē lea ai vē ki tātou, “Ōmamai ke ki tātou faia nā mea kino, kae ke tupu mai ai he lelei.”? E i ei ni tino kua ki lātou fakamātagāgia au i te lātou tala kua fai, ko nā fakakupuga iēnei e āku na fai. Ka fakahalagia ki lātou ma ko he mea tēnei e tonu ma hako.

Gāluega 25:7

I te pa maiga o Paulo, oi tutū ai nā tino Iutaia na ōmamai mai Ieluhalema i tafa o ia ma kāmata oi fai a lātou mōliga mamafa e lahi e uiga ki a Paulo, kae e hēki ki lātou mafaia oi tuku atu ni fakamāoniaga o a lātou mōliga.

Gāluega 25:3

ke kaumai ia Paulo ki Ieluhalema, ona kua uma te taupulepule ke ki lātou tāmatea ia Paulo i te auala kāfai e kavaifo.

Gāluega 21:28

Kua taufōlua vē ki lātou, “Taulelea e o Ihalaelu! Ko tēnei te tino e fano ki ho he koga ma akoako ki tagata ke teteke ki nā tino Ihalaelu, teteke ki te Tūlāfono a Mohe, ma teteke ki te Mālumalu tēnei. Ma i te taimi nei, kua ia kaumaia foki ni tino nukukehe ki loto o te Mālumalu, ma faia ma mea e hē mamā ai te nofoaga paia tēnei!”

Gāluega 18:6

Na teteke ki lātou ki a Paulo ma faikupu kino ki ei, oi na tali vēnei atu ai ia Paulo ki a te ki lātou ma lūlū kehe te pefu i ona kofu, “Kāfai koutou e momotu kehe mai te Atua, ko koutou lava te na māfua ai! E hē ko he hehē e o oku. E kāmata atu nei, ko au ka fano oi tālaki ki tagata nukukehe.”

Gāluega 15:21

Auā ko te Tūlāfono a Mohe kua leva te faitau i loto o nā hūnako i nā Hāpati takitahi, ma ko ana kupu e tālaki atu ki nā kakai uma.”

Gāluega 6:13

Oi kaumai ai e ki lātou ni taulelea ke molimau pepelo e uiga ki a Hetefano. Kua lea vē atu nā taulelea, “Ko te tagata tēnei e teteke pea lava i ana kupu e tautala ai, ki te Mālumalu paia vēnā ma nā Tūlāfono a Mohe.

Ioane 16:3

Ka fai e nā tino nā mea iēnei ki a te koutou, auā ko hēki ki lātou iloa te Tamana pe ko au.

Ioane 9:29

E iloa e ki mātou ko te Atua na vāgana ki a Mohe; ka ko te tino tēnā e lea mai ai koe, e hē ki mātou iloa foki pe hau mai fea!”

Ioane 1:17

Ko nā Tūlāfono, na tuku mai e te Atua kui mai ia Mohe; kae ko te alofa tūnoa ma te meamoni, na kui mai ia Iehu Keliho.

Gāluega 26:11

E lahi nā taimi na kō fakahalagia ai ki lātou i loto o nā hūnako, ma taumafai i ni faiga ke fakafiti ai ki lātou i to lātou talitonuga. Ko toku ita lahi ki nā tino iēnei na fano ai lava au ki nā kakai nukukehe ke fai o lātou mōliga.

Gāluega 6:10

Kae kua tuku atu e te Agaga o te Atua ki a Hetefano te poto, ma kua hē mautali ai ki lātou ki a te ia.

Gāluega 6:12

Ko te fakakupuga tēnei na tīgā ai ia loto o tagata, nā toeaina ma nā faiakoga o te Tūlāfono. Oi puke ai e ki lātou ia Hetefano ma kave ki mua o te Taupulega.