Gāluega 5:4 - Tokelauan New Testament

⁴ Ka ko hēki fakatau atua e koe te fenua, nae e o koe lava; ma ina kua uma te fakatau atu e koe, ko te tupe e a koe. He ā la te na fai ai e koe he mea vēnā? Ko koe e hēki pepelo ki tagata — ko koe kua pepelo ki te Atua!”

Gāluega 5:4 Referans Kwoze

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

1 Tehalonia 4:8

Ko te mea ia, ko ai lava e teteke ki te akoakoga tēnei, e hē ko te tagata te kua ia tetekea, kae ko te Atua tē e ia fōki atua ki a te koutou, tona Agaga Paia.

Gāluega 5:9

Oi lea atu ai ia Petelu ki te fafine, “He ā te na mālilie ai koulua ma tau āvaga ke koulua tofotofoa te Agaga o te Aliki? Kikila, ko nā taulelea na ki lātou tanua tau āvaga, iēnā kua i te faitotoka i te taimi nei, ma ka ki lātou hikia foki koe ki fafo!”

Luka 10:16

Kua vāgana atu ia Iehu ki ona hoko, “Ko ai lava e fakalogo atu ki a te koutou, e fakalogo mai foki ki a te au; ko ai lava e teteke ki a te koutou, e teteke mai foki ki a te au; ma ko ai lava e teteke mai ki a te au, e teteke foki ki tē na ia uga maia au.”

Iakopo 1:15

Ko o tātou tuinanauga kino e ola ake ma fānau mai ai te agahala: ma ko te agahala, kāfai e matua, e fānau mai ai te oti.

Filemoni 1:14

Kae ko au e hē fofou ke fakamālohia koe ke fehoahoani mai ki a te au; kae e lelei lava te fai e koe i tō loto malie. Ko te mea ia ka hē kō faia lele ai he mea, vaganā e malie koe ki ei.

1 Kolinito 8:8

Kae e hē fakaleleia e nā meakai to tātou va ma te Atua; e hēai he āfāina kāfai ki tātou e hē kakai ki nā meakai iēnei, oi e hēai foki he āfāina kāfai ki tātou e kakai ki ei.