Gāluega 4:7 - Tokelauan New Testament

⁷ Kua fakatutū e ki lātou ia Petelu ma Ioane i mua o te fono, oi fehili vē ai ki ei, “Na vēhea ona mafai e koulua oi fakamālōlō te pipili? E o ai te mana pe ko te igoa na koulua faia ai te mea tēnei?”

Gāluega 4:7 Referans Kwoze

Mataio 21:23

Kua toe foki mai ia Iehu ki te Mālumalu; ma ka koi akoako atu ia ki tagata, kae ōmamai te kau ohitāulaga hili ma te kau toeaina kua fehili vē atu ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Maleko 11:28

oi fehili vē mai ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Gāluega 5:40

Oi fakatonu ai e ki lātou ke kaumai te kau apohitolo ki te fono ma ke kini, ma fakatonu ai ke nahe ki lātou toe tautatala lele i te igoa o Iehu; oi tuku ai ke olo.

Ioane 2:18

Ona ko te mea na fai e Iehu i te Mālumalu, na ōmamai ai ki a te ia nā tino Iutaia ma he lātou fehili e vēnei, “He ā he fakailoga e kē faia, ke fakamāonia ai ki a te ki mātou, kua ia te koe te pule ke fai ai te mea tēnei?”

Gāluega 4:10

e tatau foki la ke iloa e koutou uma vēnā ma tagata uma o Ihalaelu, ko te tino tēnei e koutou kitea mai, kua fakamālōlōgia kātoa i te mana o te igoa o Iehu Keliho te Nahaleta — tē na koutou fakahātauloagia ma na toe fakatū mai te oti e te Atua.

Ioane 8:9

I te fakalogoga o ki lātou ki te mea tēnei, oi gāholoholo ai tau tokatahi kua olo kehe, kāmata atu i nā tino mātutua. Kua totoe nei nā ko Iehu fakatahi ai ma te fafine, koi tū lava i te mea na fakatū ai.

Ioane 8:3

Oi ōmamai ai nā faiakoga o te Tūlāfono ma nā Falehaio ma kaumai he fafine na maua e mulilua, ma kua fakatū e ki lātou i mua o te potopotoga kātoa.

Gāluega 4:6

Kua fono fakatahi ki lātou ma Anaha te Ulu Ohitāulaga, vēnā ma Kaiafa, ma Ioane, ma Alehana, ma iētahi tino uma mai te puikāiga Ulu Ohitāulaga.

Gāluega 4:8

Na fakatumulia ia Petelu i te Agaga Paia, oi tali vē atu ai ki ei, “Koutou nā takitaki o te nuku ma toeaina: