Gāluega 4:21 - Tokelauan New Testament

²¹ Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.

Gāluega 4:21 Referans Kwoze

Gāluega 5:26

Na olo ai loa te takitaki o nā leoleo ma tana vāega oi toe kaumai te kau apohitolo. Kae e hēki ki lātou honafaia te kau apohitolo ona e mātataku nā ki lātou e fetogia e tagata.

Luka 22:2

Ko nā ohitāulaga hili ma nā faiakoga o te Tūlāfono nae mātataku i tagata, ko te mea ia nae hakilikili ai e ki lātou he auala ke tāmate munimuni ai ia Iehu.

Luka 20:19

Na taumafai nā faiakoga o te Tūlāfono ma nā ohitāulaga hili, ke puke fakapagotā ia Iehu i te taimi lava tēnā, auā kua ki lātou hāfia ko te talafakatuha tēnei na fai fakatatau ki a te ki lātou; kae nae mātataku i nā tino.

Luka 20:6

Kae kāfai ki tātou e lea, ‘E mai tagata,’ e fetogi nei ki tātou e nā tino, auā e talitonu ki lātou ko Ioane ko he pelofeta.”

Mataio 21:46

oi taumafai ai loa ki lātou ke puke ia Iehu. Kae nae mātataku i te kaifenua, auā ko nā tino e talitonu lava, ko Iehu ko he pelofeta.

Mataio 9:8

I te kiteaga e nā tino o te mea tēnei, oi na mātataku lele ma viviki ake ki te Atua, ona ko he pule vēnei kua fōki e ia ki tagata.

Gāluega 5:40

Oi fakatonu ai e ki lātou ke kaumai te kau apohitolo ki te fono ma ke kini, ma fakatonu ai ke nahe ki lātou toe tautatala lele i te igoa o Iehu; oi tuku ai ke olo.

Gāluega 4:17

Kae e tatau ke lapataki mālohi ki tātou ki te toka lua, ke nahe toe tautatala lele ki he tino i te igoa o Iehu. I te faiga tēnei, ka tāofiofia ai te toe halalau o tēnei tala ki tagata.”

Luka 13:17

Ko tana tali tēnei na lagona ai te māhiahi e nā tino nae feita ki a te ia; ka ko te kaifenua kātoa kua fiafia lahi, ona ko nā mea lelei uma na ia faia.

Luka 5:26

Na taufai ofo ki lātou uma lele, ma viviki ake ki te Atua. Kua fakatumulia foki ki lātou i te mātataku, ma kua lea vē, “Kai te ofoofogia o nā mea kua kitea e ki mātou i te aho nei!”

Mataio 26:5

Kua lea vē ki lātou, “E hē tatau ke fai e tātou te mea tēnei i te taimi o te Pāheka, auā e i na ka fakatupu ai he vevehi lahi o tagata.”

Mataio 15:31

Na ofo lele ia tagata i te kiteaga e ki lātou kua tautatala nā gūgū, kua mālolohi nā tino nae hē kātoatoa te mālohi, kua havavali nā pipili, ma kua pupula nā mata o nā tāuaho; oi viviki ake ai ki lātou ki te Atua o Ihalaelu.

Mataio 9:33

Ma na uma loa lava te tuli o te tēmoni ki fafo, oi kāmata loa oi tautala te gūgū, ma na ofo lele ai nā tino uma ma vē ake te lātou kupu, “E hēki ki mātou kitea lele he mea vēnei ke tupu i Ihalaelu!”

Gāluega 4:22

Ko te taulealea na fakamālōlō e ala i te vāvega, kua hili atu i te fahefulu tauhaga tona matua.

Gāluega 5:13

E hēai lele he tino ko hēki talitonu na loto toa ke i ei fakatahi i te mea kua maopoopo ki ei nā tino kua talitonu, e ui lava ko nā tino kua talitonu nae fakaaloalogia lele e tagata.