Gāluega 4:12 - Tokelauan New Testament

¹² Ko te fakaolataga e maua oioti lava e ala ia te ia; e hēai hētahi tino i te lalolagi kātoa kua fōki mai e te Atua, e ia mafaia oi fakaola ki tātou.”

Gāluega 4:12 Referans Kwoze

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

1 Kolinito 3:11

Auā kua uma te fakatū e te Atua te fakavae e fokotahi, ko Iehu Keliho, ma e hēai he tahi fakavae e mafai ke toe fakatū.

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Mataio 1:21

Ka fānau mai e ia he tama, ka fakaigoa e koe ki a Iehu, auā ka fakaola e ia ona tagata mai a lātou agahala.”

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Fakaaliga 20:15

Ko nā tino e hēki tūhia o lātou igoa i loto o te tuhi o te ola, kua togi ki loto o te vaitūloto o te afi mumū.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Gāluega 2:5

Nae i ei ni tino Iutaia nae nonofo i Ieluhalema, ni tino lolotu i te lotu Iutaia, na ōmamai i nā atunuku uma o te lalolagi.

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.