Gāluega 3:26 - Tokelauan New Testament

²⁶ Ma na filifilia ai la e te Atua tana Kaukauna ko Iehu ma uga muamua atu ki a te koutou, ke fakamanuia ki a te koutou e ala i te takitaki kehega o koutou uma mai outou uiga kino.”

Gāluega 3:26 Referans Kwoze

Mataio 1:21

Ka fānau mai e ia he tama, ka fakaigoa e koe ki a Iehu, auā ka fakaola e ia ona tagata mai a lātou agahala.”

Gāluega 3:22

Auā na lea vēia ia Mohe, ‘Ko te Aliki te Atua ka ia uga atua he pelofeta ki a te koutou, e vē foki lava ko te ia uga atuga o oku, ma ko he tino lava mai ia te koutou. E tatau koutou ke fakalogo ki ei i ho he mea e lea atu ai.

Iuta 1:24

Ke i te Atua, tē e ia puipuia koutou ke nahe pakukū, ma e ia kaumaia koutou ki tona mamalu, e aunoa ma ni hehē ma nā loto kua tumu i te fiafia —

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

Gāluega 3:25

Ko nā folafolaga a te Atua na kui mai i nā pelofeta, e mo koutou, ma ko koutou e aofia i te feagaiga na ohi e te Atua ma outou tupuna. E vē ona vāgana te Atua ki a Apelaamo, ‘Ka kō fakamanuiagia ia tagata uma i te lalolagi, e ala atu i nā lāpuna o koe.’

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,

Efeho 1:3

Ke hiki ake fakatahi e ki tātou he fakafetai ki te Atua, te Tamana o to tātou Aliki ko Iehu Keliho. Auā e ala i te tātou hokotaga ma Keliho, kua fakamanuia ai e ia ki tātou i nā fakamanuiagia fakateagaga kehekehe uma mai te lagi.

Loma 15:29

Ma kāfai au e pa atu, e mautinoa e au ko au e fanatu ma te kātoaga o nā fakamanuiaga mai ia Keliho.

Gāluega 26:20

Muamua i Tamaheko ma Ieluhalema ma vēnā i te fenua kātoa ko Iutea, ma i nā mea e nonofo ai ia tagata nukukehe, na folafola e au ko ki lātou e tatau ke halamō ia lātou agahala ma liliu ki te Atua, ma ke fakatino e ki lātou nā mea e fakailoa ai to lātou halamō moni.

Gāluega 3:15

Na tāmate e koutou te tino e takitaki e ia ia tagata ki te ola moni, kae kua toe fakatū e te Atua mai te oti — ma ko ki mātou ni molimau ki te mea tēnei.

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.

Gāluega 13:26

“Te kau uho, koutou nā lāpuna o Apelaamo, ma nā tino nukukehe e tāpuaki ki te Atua: ko te fekau e uiga ki te fakaolataga, kua kaumai mo ki tātou.

Gāluega 3:20

ka mafai ke kavatu e te Aliki ki a te koutou he taimi mo te fakafougia o nā agaga o koutou, ma ka ia uga maia ia Iehu, ko ia te Mehia kua uma te ia tōfiagia mo koutou.

Luka 24:47

ma ka tālaki atu e ala i tona igoa, te fekau e uiga ki te halamō ma te fakamāgaloga o agahala, ki nā nuku uma, e kāmata atu i Ieluhalema.

Mataio 15:24

Ka kua tali atu ia Iehu, “Ko au na uga mai oioti ki nā tino o Ihalaelu e vē ni māmoe kua gagalo!”

Ioane 4:22

Ko koutou tagata Hāmālia, e hē koutou iloa pe ko ai te tāpuaki koutou ki ei; ka ko ki mātou tagata Iutaia, e ki mātou iloa te tino e tāpuaki ki mātou ki ei, auā ko te fakaolataga e auala mai i tagata Iutaia.

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Gāluega 3:13

Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

Loma 15:8

Auā e lea atu au ki a te koutou, ko te ōlaga tautua o Keliho nae mo tagata Iutaia, ke iloa ai ko te Atua e fakamāoni, ke fakataunuku ana folafolaga ki o lātou tupuna,