Gāluega 3:21 - Tokelauan New Testament

²¹ E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Gāluega 3:21 Referans Kwoze

Loma 8:21

ka i ei te aho e fakahaoloto ai nā mea uma na ia gaohia ma ka hē toe pala. Kae ka maua fakatahi e ki lātou te haolotoga fiafia e maua e te fānau a te Atua i to lātou mamalu.

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

Fakaaliga 22:6

Oi leamai ai te agelu ki a te au, “Ko nā kupu iēnei e moni ma e fakamāoni. Ma ko te Aliki te Atua, tē e ia tukuatua tona Agaga ki te kau pelofeta, kua uga e ia ana agelu ke fakailoa atu ki ana kaukauna, nā mea kua tāli pa ki te taimi e tutupu ai.”

Luka 1:70

Na folafola e ia e ala i ana pelofeta paia i te kāloā,

2 Petelu 3:2

Ko au e fofou ke koutou manatuagia nā kupu na tautatala ai nā pelofeta paia i nā aho kua leva, ma te fakatonuga mai te Aliki ma te Fakaola na tuku atu ki a te koutou e nā apohitolo o koutou.

2 Petelu 1:21

Auā e hēai he fekau na fakailoa mai e nā pelofeta, na kaumai ona ko he loto o he tino, kae na kaumai e ni tino ei lalo o te pule a te Agaga Paia, i nā taimi e ki lātou fakailoa ai te fekau mai te Atua.

Gāluega 10:43

Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Fakaaliga 18:20

E tatau te lagi ke fiafia, auā kua fakaumatia e te Atua ia Papelona! E tatau koutou tagata o te Atua, te kau apohitolo ma te kau pelofeta ke fiafia! Auā kua fakahalagia e te Atua ia Papelona ona ko nā mea na ia faia ki a te koutou!

Gāluega 3:19

Ko te mea ia, halamō loa i autou agahala ma liliu ki te Atua, kae ke fakamāgalo ai autou agahala. Kāfai e koutou faia te mea tēnei,

Gāluega 3:20

ka mafai ke kavatu e te Aliki ki a te koutou he taimi mo te fakafougia o nā agaga o koutou, ma ka ia uga maia ia Iehu, ko ia te Mehia kua uma te ia tōfiagia mo koutou.

Epelu 1:1

I nā aho kua leva, ko te Atua na tautala ki o tātou tupuna e ala i nā pelofeta. Na ia faia te mea tēnei i ni auala kehekehe e lahi, ma i ni taimi kehekehe.