Gāluega 28:8 - Tokelauan New Testament

⁸ Ko te tamana o Popilio nae takoto i te moega e maua i te fiva ma te manava tatā. Oi fano ai ia Paulo ki te potu e i ei ai, kua tatalo ma fakaeke atu ona lima ki ona luga ma fakamālōlō ai mai ona tauale.

Gāluega 28:8 Referans Kwoze

Gāluega 9:40

Kua uga e Petelu ia tagata uma ki fafo o te potu, ma tōtuli ai ki lalo ma tatalo; oi māfuli atu ai ki te tinooti ma lea vē atu ki ei, “Tapita, tū ki luga!” Na pupula loa ia mata o te fafine, ma i te ia kitea atuga o Petelu, oi nofo ai ki luga.

Maleko 6:5

E hēki ia mafaia oi fai he vāvega e fokotahi i kinā, kae vaganā ai te fakaeke atuga o ona lima ki luga o ni nai tino nae tauale, oi mālōlō ai ki lātou.

Maleko 16:18

kāfai e hiki ki luga e ki lātou nā gata, pe inu ki ho he meakona, ka hē āfāina ai ki lātou; kāfai e fakauta o lātou lima ki luga o nā tauale, ka mālōlō ai nā tauale.”

Mataio 9:18

Ka koi tautala atu ia Iehu i te mea tēnei, kae hau ki ei he takitaki Iutaia, kua tōtuli ki lalo i ona mua ma lea vē atu ki ei, “Ko toku afafine fātoā oti atu lava; kae hau ko oi fakaeke ō lima ki ona luga, kae ke toe ola.”

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

1 Kolinito 12:9

Ko te Agaga foki lava tēnei e tahi te ia fōkia te fakatuatua ki tētahi tino, kae ki tētahi e ia fōkia ki ei te mana ke fakamālōlō ai nā tauale.

Mataio 10:8

Fakamālōlō nā tauale, toe fakatutū nā tino kua oti, fakamamā ki lātou e maua i nā tauale kino o te kili, ma tuli ki fafo nā tēmoni. Kua maua e koutou te pule e hēai he totogi, ke vēnā foki oi tuku atu e koutou ki iētahi tino, e hēai he totogi.

Mataio 10:1

Kua fakapotopoto mai e Iehu ona hoko e toka hefululua, oi tuku atu ai e ia ki a te ki lātou te pule ke tuli ai ki fafo nā agaga kino, ma ke fakamālōlō ai ia tagata uma kua maua i nā tauale kehekehe.

Luka 13:13

Kua fakauta atu ona lima ki luga o te fafine, ma ko te taimi lava tēnā na tū hako ake ai loa ki luga te fafine, ma viviki ake ki te Atua.

Luka 4:40

I te gotoga o te la, ko ki lātou uma lele nae i ei ni o lātou tino nae maua i nā itūkāigā tauale kehekehe, kua ōmamai ma kaumai ki a Iehu: kua fakauta ona lima ki luga o ki lātou tau tokatahi, oi mālōlō ai ki lātou uma.

Maleko 7:32

Kua kaumai e ni tino ki a te ia he tamāloa e tutuli ma tau hē mafai ke tautala. Kua fakatagi atu ki lātou ki a Iehu ke fakaeke ona lima ki luga o te tutuli.

Maleko 5:23

ma fakatagi ki ei vēia, “Ko toku afafine tamaiti e tauale tīgāina lahi. Hau ko fakamolemole oi fakaeke o lima ki ona luga, kae ke toe mālōlō ai ma ola!”

Mataio 12:13

Oi vāgana atu ai ia Iehu ki te tamāloa e mate te lima, “Fakahako atu tō lima.” Kua fakahako te lima o te tamāloa oi toe lelei ai, kua vē lava ko tētahi ona lima.

Gāluega 28:7

Nae hē mamao ma kinā ni fatoaga e o Popilio, te aliki pule hili o te motu. Na talia fiafia ki mātou e ia, ma e tolu ia aho na nonofo ai ki mātou i tona fale.

Gāluega 28:9

I te tupuga o te mea tēnā, oi ōmamai ai nā tino tauale uma i te fenua, ma na fakamālōlō uma ki lātou e ia.