Gāluega 27:12 - Tokelauan New Testament

¹² Ko te taulaga tēnei e hē lelei ke taula ai ni vaka i te taimi o te taumālūlū; ko te tokalahiga la o nā tino na fofou ke tuku o lātou vaka ki gātai ma taumafai ke pa ki Foinika pe kāfai e mafai, ke fakatalitali i kinā ke uma te taumālūlū. Ko Foinika he taulaga e i Kelete, e fakahaga ki haute-hihifo ma mātū-hihifo.

Gāluega 27:12 Referans Kwoze

Gāluega 27:8

Na tele fakatafatafa atu ki mātou i te matāfaga, ma na faigatā lele foki te malaga, oi pa atu ai ki mātou ki he koga e takua ko te Taulaga Loki, e hē mamao ma Lahaia.

Gāluega 2:11

ni tino Iutaia ma ni tino nukukehe kua talitonu ki nā tāpuakiga faka-Iutaia; ka ko iētahi e ōmamai mai Kelete ma Alapi — kae na fakalogo uma lava ki tātou ki a te ki lātou e tautatala i nā gagana a ki tātou, ki te uiga kehe o nā mea kua fai e te Atua!”

Gāluega 27:7

E faitau aho nae tele mālie lele ai to mātou vaka ona ko te matagi nae nofo mai i te muāvaka, ma na taunuku atu ki gātai o te kakai ko Kinito. E hēki toe mafai ki mātou ke hēleka ki mua i te itū tēnā ona ko te matagi, oi na fakaheke ifo ai ki mātou ki te itū loki o te motu ko Kelete, ma teka ma te Matāfenua ko Halamone.

Gāluega 27:13

Na kāmata oi agiagi mālū mai te matagi i te itū ki haute, oi vē ake ai nā taulelea ka mafai ke fakataunuku te lātou fuafuaga, oi na hihi ai te taula o to lātou vaka ma fakatele fakatafatafa atu i gātai o Kelete.

Gāluega 27:21

Na mataloa te taimi na hēki mafai ai ke kakai nā tino nae i luga o te vaka, oi tū ai ia Paulo i mua o ki lātou ma lea vē atu, “Taulelea, na tatau lava koutou ke fakalogo mai ki a te au, i toku lea atuga ko ki tātou nahe folau kehe mai i Kelete; moinei ake e hēai he mea e fokotahi e fakakino pe māumau.

Tito 1:5

Ko koe na tuku e au i Kelete kae ke mafai e koe oi tukutonu nā mea koi fakahētonu, ma tōfia ni toeaina mo nā Ekalehia i nā kakai takitahi uma. Ke manatua e koe nā mea na fakatonu atu e au:

Tito 1:12

Ko he tino foki lava mai Kelete, he pelofeta, te na tautala i te meamoni i te leaga vēia, “Ko nā tino Kelete ni tino talapepelo i taimi uma lava, ni manu fēkakai, ni tino kakai fakaatuatuvale ma paieē.” Ona ko te tūlaga tēnei, e tatau ai ke tautalagia lahi ki lātou, kae ke fakahako ai te mea e talitonu ki lātou ki ei,