Gāluega 26:14 - Tokelauan New Testament

¹⁴ Na pakukū uma ki mātou ki te kelekele, oi lagona ai e au he leo e lea vē mai ki a te au i te gagana Epelu, ‘Haulo, Haulo! He ā te fakahāuā mai ai koe ki a te au? E fakaogohia lava koe e koe ona ko tō teteke mai ki a te au, e vē ko he povi e ta aka e ia te mealākau e fakatonutonu ai e tona matai.’

Gāluega 26:14 Referans Kwoze

Gāluega 21:40

Na fakataga e te takitakikau ia Paulo, oi tū atu ai i luga o nā fakahitepu ma fakatū tona lima ki nā tino ke nahe piha. Ina kua hēai he tino o ki lātou e vaivaia, oi tautala ai ki ei ia Paulo i te gagana Epelu.

Gāluega 22:2

I te ki lātou lagona atuga ko Paulo e tautala ake i te gagana Epelu, oi na fakaatili ai to lātou hē piha; ma na fakaauau ai lava te tautalaga a Paulo:

Gāluega 9:7

Ko nā tamāloa nae malaga fakatahi ma Haulo kua tutū ma kua hēai he tino e vaivaia; na ki lātou lagona te leo kae e hēki ki lātou kitea he tino.

1 Kolinito 10:22

Pe ko ki tātou e fofou ke fuā te Aliki? E mālolohi nei ki tātou i lo te Aliki?

Gāluega 26:13

Tau Afioga te Tupu, ko luga o te auala i te tūpou o te la, na kō kitea ai he mālamalama e hili atu tona pupula i lo te pupula o te lā, kua fanaifo mai te lagi ma huhulu fakatakamilo ia te au ma nā taulelea na malaga fakatahi ki mātou.

Gāluega 26:15

Na fehili vē atu au, ‘Te Aliki, ko ai ko koe?’ Ma na tali mai te Aliki, ‘Ko au ko Iehu, tē kua fakahāuā koe ki ei.