Gāluega 26:13 - Tokelauan New Testament

¹³ Tau Afioga te Tupu, ko luga o te auala i te tūpou o te la, na kō kitea ai he mālamalama e hili atu tona pupula i lo te pupula o te lā, kua fanaifo mai te lagi ma huhulu fakatakamilo ia te au ma nā taulelea na malaga fakatahi ki mātou.

Gāluega 26:13 Referans Kwoze

Mataio 17:2

Oi hūia ai te tino o Iehu kae kikila atu ki lātou; ko ona fōliga kua pupula e vē ko te la, ma nā kofu kua paepae hihina.

Fakaaliga 21:23

Kua hē toe manakomia e te kakai te la ma te māhina, auā ko te pupula o te mamalu o te Atua e huhulu ki ei, ma ko te Punuamāmoe ko tona mōlī ia.

Fakaaliga 1:16

E kukuma i tona lima taumatau nā fetu e fitu, ma he pelu e taufai kaha uma nā itū e hau ki fafo mai loto o tona gutu. Ko ona fōliga e huhulu e vē ko te huhulu mālohi o te la i te vaeluaga o te aho.

Gāluega 22:6

“Ka koi malaga au i luga o te auala ma kua tafapili atu ki Tamaheko, i te taimi tēnā pe ko te tūpou o te la, kae nā lava e teki ko he mālamalama lahi mai te lagi kua huhulu ifo fakatāmilo ia te au.

Gāluega 9:3

Ka koi faimalaga ia Haulo i tona auala ki te kakai ko Tamaheko ma kua tafapili atu ki ei, kae nā lava e teki ko he mālamalama mai te lagi kua huhulu fakatakamilo ia te ia.

Gāluega 22:9

Na kitea e nā taulelea nae malaga fakatahi ki mātou te mālamalama, kae e hēki ki lātou lagona te leo o te tino na tautala mai ki a te au.

Gāluega 26:12

“Ko te māfuaaga ia na fano ai au ki Tamaheko ma te pule ma te fakatonuga mai te kau ohitāulaga hili.

Gāluega 26:14

Na pakukū uma ki mātou ki te kelekele, oi lagona ai e au he leo e lea vē mai ki a te au i te gagana Epelu, ‘Haulo, Haulo! He ā te fakahāuā mai ai koe ki a te au? E fakaogohia lava koe e koe ona ko tō teteke mai ki a te au, e vē ko he povi e ta aka e ia te mealākau e fakatonutonu ai e tona matai.’