Gāluega 26:11 - Tokelauan New Testament

¹¹ E lahi nā taimi na kō fakahalagia ai ki lātou i loto o nā hūnako, ma taumafai i ni faiga ke fakafiti ai ki lātou i to lātou talitonuga. Ko toku ita lahi ki nā tino iēnei na fano ai lava au ki nā kakai nukukehe ke fai o lātou mōliga.

Gāluega 26:11 Referans Kwoze

Gāluega 22:19

Oi tali vē atu ai au, ‘Te Aliki, e iloa lelei lava e ki lātou ko au nae fano ki nā hūnako oi puke ma kini nā tino kua talitonu atu ki a te koe.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Mataio 10:17

Koutou ke mataala, auā e i ei nā tino ka ki lātou pukea koutou ma kave ki te fakamahinoga, ma ka ki lātou kinia koutou i loto o nā hūnako.

Gāluega 22:5

E mafai ke fakamāonia e te Ulu Ohitāulaga ma te Taupulega kātoa, te mea tēnei kua lea atu ai au. Na fōki mai e ki lātou ki a te au ni tuhi na tuhi ki nā uho Iutaia i Tamaheko, ma na fano ai au ki kinā ma toku fakamoemoe ke puke e au nā tino iēnei ma noanoa, oi kaumai ai ki Ieluhalema ke fai ai o lātou fakahalaga.

Gāluega 9:1

I te taimi tēnā, koi fai lava ia hāuāga a Haulo ma fakamataku e ia i te oti, nā tino kua talitonu ki te Aliki. Kua fano ki te Ulu Ohitāulaga

2 Petelu 2:16

ma na fakailoa ki ei e te Atua tona hē fiafia lahi ona ko ana agahala. Na tautala tana āhini i te leo tagata ola, ma na fai ma mea na fakauma ai nā uiga valea o tēnei pelofeta.

Iakopo 2:7

Ko ki lātou lava iēnei te fāifāi ki te igoa lelei o te Aliki tēia kua uma te fakamanuiagia ai o koutou.

Gāluega 18:6

Na teteke ki lātou ki a Paulo ma faikupu kino ki ei, oi na tali vēnei atu ai ia Paulo ki a te ki lātou ma lūlū kehe te pefu i ona kofu, “Kāfai koutou e momotu kehe mai te Atua, ko koutou lava te na māfua ai! E hē ko he hehē e o oku. E kāmata atu nei, ko au ka fano oi tālaki ki tagata nukukehe.”

Luka 21:12

Kae ko hēki tutupu nā mea uma iēnei, ko koutou ka puke ma fakahāuāgia; ka tuku atu koutou ke fakamahino i loto o nā hūnako, ma tuku ki loto o nā falepuipui; ka kave koutou ki mua o nā tupu ma nā kōvana, ona ko au.

Luka 15:17

Mulimuli ake, kua toe akoakogia tona māfaufau ma vē ake ai tana kupu, ‘Ko nā tino faigāluega uma a toku tamana e lahi lele nā meakai e kakai ai, ka ko tēnei au, ka mate i te fia kaia!

Luka 6:11

Kae kua fēkakai lele ki lātou ma kāmata oi fakataufai, pe he ā ta ki lātou ka fai ki a Iehu.

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Maleko 3:28

“E takutino atu e au ki a te koutou, ko nā agahala uma a tagata e mafai ke fakamāgalo ma vēnā ni kupu fāifāi e tautatala ai ki lātou.