Gāluega 24:5 - Tokelauan New Testament

⁵ Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Gāluega 24:5 Referans Kwoze

Gāluega 28:22

Kae ko ki mātou e fia fakalogo atu ki nā manatu o koe, auā e iloa e ki mātou ko nā tino i ho he koga lava, e teteke lele ki te fakalapotopotoga tēnā kua i ei koe.”

Gāluega 24:14

Kae ko au e io atu ki a te koe i te mea tēnei: Ko au e tāpuaki ki te Atua o nā tupuna o ki mātou, e ala i toku mulimuli ki te Ala o te Aliki, tēia e lea ki lātou e hehē. Ko au foki e talitonu ki nā mea uma e tūhia i te Tūlāfono a Mohe, vēnā ma nā tuhi a te kau pelofeta.

Gāluega 26:5

Kua uma te ki lātou iloa, pe kāfai e loto ke molimau ki lātou ki nā mea iēnei. Mai te kāmataga maiga lava, ko au na ola ake ma kavea ma hētahi o te vāega e pito hili te tauhihi ki nā talitonuga o te tātou tāpuakiga, te kau Falehaio.

Gāluega 15:5

Kae e i ei iētahi tino Kelihiano, ni tino o te kau Falehaio, kua tutū ki luga ma lea vē atu, “Ko nā tino nukukehe e tatau ke pelitome ma fakatonu ke uhitaki ki te Tūlāfono a Mohe.”

1 Kolinito 4:13

ka faikupu kino ia tagata ki a te ki mātou, e tali ki mātou ki ei i nā kupu alofa. Ke pa mai ki te taimi nei, ko ki mātou kua vē ni lāpihi i te kikila a tagata, e vē ko te pala o te kelekele!

Gāluega 21:28

Kua taufōlua vē ki lātou, “Taulelea e o Ihalaelu! Ko tēnei te tino e fano ki ho he koga ma akoako ki tagata ke teteke ki nā tino Ihalaelu, teteke ki te Tūlāfono a Mohe, ma teteke ki te Mālumalu tēnei. Ma i te taimi nei, kua ia kaumaia foki ni tino nukukehe ki loto o te Mālumalu, ma faia ma mea e hē mamā ai te nofoaga paia tēnei!”

Gāluega 5:17

Oi lagona ai te lotokino lahi e te Ulu Ohitāulaga ma ona hoa uma, ni tino o te kau Hatukaio, ki te kau apohitolo;

Luka 23:2

ma ko kinā na kāmata ai oi mōlia e ki lātou ia Iehu ki a Pilato. Kua lea vē atu ki lātou, “Na maua e ki mātou te tino tēnei, e fakahehē e ia o mātou tagata. Na lea ki ei ke nahe totōgia a lātou lāfoga ki a Kaihala, ma ko ia ko te Mehia, ko he tupu.”

1 Petelu 2:19

Ka fakamanuiagia koutou e te Atua pe kāfai koutou e onohai i nā tīgā e hē tatau ke pa koutou ki ei, ona e iloa e koutou te mea e fofou ia ki ei.

1 Kolinito 11:19

(E hē taumate e i ei ni fekehekeheakiga ia te koutou, kae ke iloa ai pe ko ai o koutou e hako.)

Gāluega 22:22

Ko nā tino nae fakalogologo ki a Paulo ke pa lava ki te taimi na fai ai tana fakakupuga tēnei; kae meake kua kāmata oi taukalalaga leo lahi vē, “Kave kehe te tagata tēnā ma tāmate! E hē tatau ke toe ola!”

Gāluega 6:13

Oi kaumai ai e ki lātou ni taulelea ke molimau pepelo e uiga ki a Hetefano. Kua lea vē atu nā taulelea, “Ko te tagata tēnei e teteke pea lava i ana kupu e tautala ai, ki te Mālumalu paia vēnā ma nā Tūlāfono a Mohe.

Luka 23:25

Kua tatala e ia te tino na fofou mai ki ei ia tagata, te tino tēia na falepuipui ona ko he vevehitū na tupu ma te tāmate tino, ka kua tuku atu ia Iehu ki te kaifenua ke fai ki ei te mea e fofou ki lātou ki ei.

Luka 23:19

(Ko Palapa na falepuipui ona ko he vevehitū na tupu i te kakai, ma te tāmate tino.)

Luka 23:5

Kae kua fakaatili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 2:23

ma nofo ai i te kakai e igoa ko Nahaleta. Na taunuku ai te kupu a nā pelofeta: “Ka fakaigoa ia ko he ha-Nahaleta.”

Maleko 1:24

“Iehu te Nahaleta, he ā ko ta koe e fai mai ki a te ki mātou? Ko koe kua hau ke fakatāugā ki mātou? E kō iloa koe — ko koe ko te kavefekau paia a te Atua!”

Gāluega 24:4

E hē fofou au ke fakalavelave atu ki tō taimi, kae ko au e fakatagi atu ke mafai ho taimi ke fakalogo ai koe ki ta mātou fakamatalaga pukupuku.

Gāluega 25:7

I te pa maiga o Paulo, oi tutū ai nā tino Iutaia na ōmamai mai Ieluhalema i tafa o ia ma kāmata oi fai a lātou mōliga mamafa e lahi e uiga ki a Paulo, kae e hēki ki lātou mafaia oi tuku atu ni fakamāoniaga o a lātou mōliga.