Gāluega 24:25 - Tokelauan New Testament

²⁵ Ka koi tautala ia Paulo e uiga ki te āmiotonu, te loto pūlea, ma te aho e fakamahino ai e te Atua ia tagata uma, ka ko Felika kua mataku ma lea vēia, “Fano loa nei oi kua toe fekau atu ai koe e au kāfai e maua hoku avanoa.”

Gāluega 24:25 Referans Kwoze

Ioane 16:8

Ma kāfai te koutou Fehoahoani e hau, ka ia fakamāonia ki tagata o te lalolagi, te hehē o to lātou tāofi e uiga ki te agahala, ma e uiga ki te mea e hako, ma e uiga ki te fakamahinoga a te Atua.

1 Petelu 3:15

Kae ifo atu ma outou loto kātoa ki a Keliho ko ia te Aliki. Nonofo hāuni i taimi uma ke tali atu ki ho he tino e lea atu ke fakamālamalama ake ki a te ki lātou te fakamoemoe kua ia te koutou.

2 Petelu 1:6

ki te mālamalama o koutou e uiga ki te mea e fiafia ki ei te Atua, fakaopoopo ki ei te loto pūlea; ki te loto pūlea, fakaopoopo ki ei te onohai; ki te onohai, fakaopoopo ki ei te mataku i te Atua;

Kalatia 5:23

te loto maulalo, ma te loto pūlea. E hēai he tūlāfono e teteke ki nā mea vēnei.

Gāluega 10:42

Ma na fakatonu mai ki mātou e Iehu ke tālaki te Tala Lelei ki tagata, ma ke molimau ko ia te kua tōfia e te Atua ke fai ma fakamahino o nā tino koi ola, vēnā ma ki lātou kua feoti.

1 Ioane 3:7

Taku fānau, ia koutou lele nā fakahehēa e he tino! Ko ai lava e fai e ia te mea e tonu, ko ia tēnā e āmiotonu, e vē lava ko Keliho e āmiotonu.

Iakopo 2:19

E talitonu koe e fokotahi oioti te Atua? Te lelei! Ko nā tēmoni foki e talitonu — ma e tete o lātou tino i te mātataku.

Epelu 9:27

Ko tagata uma e tatau ke oti fakafokotahi, ma ka uma tēnā oi kua fakamahino ai e te Atua.

Epelu 4:1

Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

Epelu 3:13

E tatau koutou ke fakamālohi tētahi ki tētahi i aho takitahi, kae ke nahe i ei ai he tino o koutou e fakahehēgia e te agahala ma maua ai i te loto makaka. Kāfai te kupu “Aho nei” e vē oi tākua i te tuhituhiga paia e fakaaga ki a te ki tātou, e tatau la ke fai pea lava tēnei mea e tētahi ki tētahi.

Kalatia 3:22

Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meaalofa la tēia kua folafola e ala i te fakatuatua ki a Iehu Keliho, e fōki ki a te ki lātou e talitonu.

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

1 Ioane 3:10

Ko tēnei la te mea e kehekehe ai nā fānau a te Atua ma nā fānau a te Tiāpolo: ko nā tino uma e hē ki lātou faia te mea e hako pe hē alolofa ki iētahi tino, e hē ni fānau e a te Atua ki lātou.

2 Timoteo 4:1

I mua o te Atua ma i mua o Keliho Iehu, tē ka haele mai ko ia ko te Tupu ma ka ia fakamahinoagia nā tino ola ma nā tino oti, ko au e aioi atu ki a te koe

2 Kolinito 6:2

Fakalogo ki te vāgana a te Atua, “I te taimi tatau na talia ai e au koutou, na lagona e au koutou; i te aho e tatau ke fakaola ai koutou e au, e fehoahoani atu au ki a te koutou.” Kikila, kua pa mai te taimi; ko tēnei te aho e fakailoa ai!

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

Gāluega 24:15

E ia te au te fakamoemoe ki te Atua e vē foki lava ko te fakamoemoe o ki lātou e uiga ki te mea tēnei: ko tagata uma lele, nā tino āmio lelei ma tino āmio kino, ka toe tutū uma mai i te oti.

Gāluega 17:32

I te ki lātou lagona atuga o Paulo e tautala e uiga ki te toetū mai te oti, oi fakatauemu ai iētahi tino ki ei, kae ko iētahi tino kua lea vē, “Ko ki mātou e fia toe fakalogo ke tautala mai koe i te mea tēnā.”

Gāluega 17:2

Na fano ia Paulo ki te hūnako, e vē lava ko tana māhani. I kinā, e tolu ia Hāpati nae talatalanoa ai ma tagata ma na hiki mai e ia ni kupu mai nā Tuhituhiga Paia,

Gāluega 2:37

Na tuia lahi lele nā loto o tagata i te fakalogo atuga ki te mea tēnei, oi na lea vē atu ai ki lātou ki a Petelu ma iētahi apohitolo, “O mātou uho, he ā nei ta ki mātou ka fai?”

Epelu 6:2

Ma e hē tatau ke haga akoako pea e ki tātou e uiga ki nā papatihoga, te tuku o nā lima ki luga o he tino ke fakamanuia; te toe fakatutū o tagata mai te oti ma te fakamahinoga a te Atua e hēai he gataaga.

Epelu 12:21

Ko te mea na tutupu i te Mauga o Hinai na matuā fakamātakutaku lele ma na lea vē ai ia Mohe, “Ko au e tete i te mataku.”

Loma 14:12

Ko ki tātou tau tokatahi uma la, ka tali atu lava te tino ki te Atua, e tuha ai ma ana mea na fai.

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

Gāluega 26:28

Kua lea atu ia Akalipa ki a Paulo, “I te taimi pukupuku tēnei e manatu koe e kē mafaia oi liliu au ke kavea ma Kelihiano?”

Gāluega 17:13

Kae i te lagonaga e nā tino Iutaia i Tehalonika kua folafola foki e Paulo te kupu a te Atua i Peloia, oi olo ai foki ki ei ma kāmata oi fakaohooho ki nā tino kae ke tupu ai foki he vevehi.

Gāluega 9:6

Kae tū ki luga oi fano ki te kakai, ko kinā ka taku atu ai ki a te koe tau mea e tatau ke fai.”

Mataio 22:5

Kae e hēai he tino valakaulia e fakalogo ki ei, ka kua fai lava a lātou fekau māhani: kua fano tētahi ki tona fatoaga, ko tētahi ki te fale e fakatau ai ana koloa,

Gāluega 24:26

I te taimi foki tēnā, na fofou lele ke fōki ake ni ana tupe e Paulo; ko te mea ia nae tūfekau ho ai e ia ia Paulo, ke faitatala ki lāua.

Tito 1:8

Kae ke loto alofa ki nā tino kehe, ma fiafia oi fai nā mea lelei. E tatau ko he tino e pūlea tona loto, e fai mea tonu, e āmio paia, ma e lava te onohai.