Gāluega 24:10 - Tokelauan New Testament

¹⁰ Oi geno atu ai te kōvana ki a Paulo ke tautala ma na lea vē atu ai ia Paulo, “Ko au e fiafia oi tali atu ki nā mōliga o oku, auā e iloa e au ko koe ko te fakamahino o te nuku kātoa tēnei mo nā tauhaga e lahi.

Gāluega 24:10 Referans Kwoze

1 Petelu 3:15

Kae ifo atu ma outou loto kātoa ki a Keliho ko ia te Aliki. Nonofo hāuni i taimi uma ke tali atu ki ho he tino e lea atu ke fakamālamalama ake ki a te ki lātou te fakamoemoe kua ia te koutou.

Gāluega 26:1

Kua lea atu ia Akalipa ki a Paulo, “Kua tuku atu te fakatagaga ke tautala ai koe.” Na fālō atu te lima o Paulo ma tali atu vēnei:

Gāluega 23:24

Hāuni ni holofanua ke tiketike ai ia Paulo, ma ke mautinoa ko Paulo e taunuku ma te haogalēmū ki te kōvana ko Felika.”

Gāluega 21:40

Na fakataga e te takitakikau ia Paulo, oi tū atu ai i luga o nā fakahitepu ma fakatū tona lima ki nā tino ke nahe piha. Ina kua hēai he tino o ki lātou e vaivaia, oi tautala ai ki ei ia Paulo i te gagana Epelu.

Gāluega 19:33

Ko iētahi tino na i ei to lātou tāofi, ko Alehana te na māfua ai te mea tēnei ona na uga e nā tino Iutaia ke fano ki mua. Oi fakatū atu ai te lima o Alehana ki tagata ke nahe piha, ma na taumafai ai ke fakamālamalama ki ei, ko te vevehitū e hēki māfua ia te ia ma ona hoa.

Gāluega 18:15

Kae ona ko koutou e fai fīnauga e uiga ki ni kupu ma ni igoa ma tautou lava tūlāfono, e tatau la ke fai lava e koutou he fakaikuga ki ei. E hē faia au ma fakamahino ki nā mea iēnā!”

Gāluega 13:16

Na tū atu loa ia Paulo, kua fakatū atu tona lima ki te fakapotopotoga ma kāmata loa oi tautala: “Koutou oku tagata Ihalaelu ma tagata nukukehe uma i kinei e tāpuaki ki te Atua: fakalogo mai!

Gāluega 12:17

Kua tautala lima atu ia Petelu ki a te ki lātou ke nahe piha, ma na fakamatala e ia ki a te ki lātou te tatalaga o ia e te Atua mai te falepuipui. Oi lea vē atu ai, “Taku ko la te mea tēnei ki a Iakopo ma iētahi uho Kelihiano,” ma na tukua ai loa e ia ia kinā kae fano ki hētahi koga.

Luka 18:2

Kua lea vē atu, “Nae i ei he fakamahino i hētahi kakai, nae hē mataku i te Atua ma hē fakaaloalo ki tagata.

Luka 12:14

Ka kua tali atu ki ei ia Iehu, “Na hei faia au ma fakamahino, pe ke pule i te vāevāega o nā mea a koulua ma tō uho?”

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.