Gāluega 23:9 - Tokelauan New Testament

⁹ Kua fakalalahi te piha, oi tutū ai ki luga iētahi faiakoga o te Tūlāfono i te itū o te kau Falehaio, kua faitio lahi lele ma lea vē atu: “E hēai he mea kua ki mātou maua e hala ai te tagata tēnei! Hōvē moni he agaga pe he agelu na tautala ki ei!”

Gāluega 23:9 Referans Kwoze

Gāluega 22:7

Na pakū au ki te kelekele ma kō lagona he leo e lea vē mai, ‘Haulo, Haulo! He ā te kua fakahāuā mai ai koe ki a te au?’

Ioane 12:29

Na lagona e te kaifenua nae tutū i kinā te leo, ma na lea iētahi ko he faititili, ka ko iētahi na lea vē, “Ko he agelu na tautala ki a Iehu.”

Gāluega 26:31

ma i te olo kehega na lea vē ai tētahi ki tētahi, “Ko te tino tēnei e hēai hana mea na fai e tatau ai ke tāmate, pe falepuipui.”

Gāluega 25:25

Kae e hēai he mea na kō maua na ia faia, e tatau ai ke fakahala i te oti. Kae ona kua fakatagi mai ko ia ke kave ke fakamahino e te Kaihala, kua tonu ai ia te au ke kave ki ei.

Gāluega 23:29

E hēki maua e au e i ei hana mea na fai e tatau ai ke fakahala oti, pe falepuipui; ko te mea na mōlia ai he mea lava tau ki ta lātou tūlāfono.

Maleko 2:16

Ko iētahi faiakoga o te Tūlāfono, ni Falehaio, kua ki lātou kitea atu ia Iehu e kakai fakatahi ma nā aolāfoga vēnā ma nā tino inohia, oi fehili vē atu ai ki ona hoko, “He ā te kakai fakatahi ai ia Iehu ma nā tino vēnā?”

1 Kolinito 10:22

Pe ko ki tātou e fofou ke fuā te Aliki? E mālolohi nei ki tātou i lo te Aliki?

Gāluega 27:23

Auā ko anapō na hau ai he agelu a te Atua, tē e a ia au, ma e tāpuaki au ki ei

Gāluega 23:8

(Auā e lea te kau Hatukaio ko nā tino e hē toe tutū mai i te oti, ma e hēai ni agelu pe ni agaga; kae ko te kau Falehaio e talitonu ki nā mea uma e tolu iēnei.)

Gāluega 11:17

E manino lele na fōki e te Atua ki nā tino nukukehe iēnā te meaalofa lava e tahi tēia na ia fōki maia ki a te ki tātou, ina kua talitonu ki tātou ki te Aliki ko Iehu Keliho; ko ai nei la au, ke kō tāofia ai te mea e fofou ki ei te Atua!”

Gāluega 9:4

Na pakū ia Haulo ki lalo ma na ia lagona atu ai he leo e lea vē ake ki a te ia, “Haulo, Haulo! He ā te kua fakahāuā mai ai koe ki a te au?”

Gāluega 5:39

kae kāfai e hau mai te Atua, e hē koutou mafaia lele oi fakatōkilalo ki lātou. E i nā ka fakahagatau koutou ki te Atua!” Na talia e te Taupulega te fautuaga a Kamalielu.

Luka 23:22

Kua lea atu ia Pilato ki a te ki lātou, ma ko te fakatolu tēnei o taimi, “Aiheā, ko he holitūlāfono ā ta ia kua fai? E hēai he mea e fokotahi kua kō maua na fai e ia, e tatau ai ke tāmate! Ka fakatonu e au ke kini, oi tuku ai ke fano.”

Luka 23:4

Oi lea atu ai ia Pilato ki nā ohitāulaga hili ma te kaifenua, “E hēai he mea e kō kitea e tatau ai ke fakahala te tino tēnei.”

Luka 5:30

Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

Gāluega 22:6

“Ka koi malaga au i luga o te auala ma kua tafapili atu ki Tamaheko, i te taimi tēnā pe ko te tūpou o te la, kae nā lava e teki ko he mālamalama lahi mai te lagi kua huhulu ifo fakatāmilo ia te au.