Gāluega 23:6 - Tokelauan New Testament

⁶ Kua kitea atu e Paulo ko iētahi tino o ki lātou ni Falehaio ma ko iētahi ni Hatukaio, oi kalaga atu ai i loto o te fono, “Oku uho Ihalaelu! Ko au he Falehaio, te ataliki o ni Falehaio. Ko au e i mua o te fakamahinoga tēnei, ona ko toku fakamoemoe mautinoa, ko nā tino kua oti ka toe fakatutū e te Atua ki te ola!”

Gāluega 23:6 Referans Kwoze

Gāluega 24:21

vāganā ai te mea e fokotahi tēnei na kalaga ai au i toku tūga i mua o ki lātou: ‘Ko au kua fakamahino e koutou i te aho nei, ona ko toku talitonuga ko nā tino kua oti e toe tutū mai ki te ola.’ ”

Gāluega 24:15

E ia te au te fakamoemoe ki te Atua e vē foki lava ko te fakamoemoe o ki lātou e uiga ki te mea tēnei: ko tagata uma lele, nā tino āmio lelei ma tino āmio kino, ka toe tutū uma mai i te oti.

Filipi 3:5

Ko au na pelitome i te valu o aho talu toku fānau mai. Ko au he Ihalaelu mai te puikāiga o Peniamina, he tino Epelu moni lava. I te tūlaga tau ki te Tūlāfono Iutaia, ko au nae he Falehaio,

Gāluega 28:20

Ko te mea ia kua lea atu ai au ko ki tātou ke feiloaki ma talanoa. Ko te mea moni lava, ko au e noanoa vēnei i nā filifili ona ko te tino tēia e fakamoemoe ki ei ia tagata o Ihalaelu.”

Mataio 22:23

I te aho lava tēnā, na ōmamai ai ni tino o te kau Hatukaio ki a Iehu ma to lātou talitonuga, e hē mafai nā tino ke toe tutū mai i te oti.

Gāluega 22:5

E mafai ke fakamāonia e te Ulu Ohitāulaga ma te Taupulega kātoa, te mea tēnei kua lea atu ai au. Na fōki mai e ki lātou ki a te au ni tuhi na tuhi ki nā uho Iutaia i Tamaheko, ma na fano ai au ki kinā ma toku fakamoemoe ke puke e au nā tino iēnei ma noanoa, oi kaumai ai ki Ieluhalema ke fai ai o lātou fakahalaga.

Mataio 10:16

“Kikila! Ko koutou e uga atu e au e vē lava ni māmoe ki te mea e i ei ai nā luko. Ko koutou la e tatau ke popoto e vē ko nā gata ma agamalū e vē ko nā lupe.

Mataio 3:7

Kae i te kitea atuga e Ioane te tokalahi o te kau Falehaio ma te kau Hatukaio kua ōmamai ke papatiho ki lātou e ia, oi lea vē atu ai ki ei, “Koutou fānau a gata — ko ai te na lea atu e mafai koutou ke hao i te fakahalaga a te Atua kua tali pa mai?

Gāluega 22:3

“Ko au he Iutaia, na fānau i Taheha i Kilikia, kae ko au na ola ake i kinei i Ieluhalema, ma na akoakogia lelei au e Kamalielu e tuha ai ma te Tūlāfono na tuku mai ki o tātou tupuna, ma ko au e tautua mālohi ki te Atua, e vē ko foki ko koutou uma kua i kinei i te aho nei.

Gāluega 22:30

Na fia iloa tonu e te takitakikau te mea kua mōlia ai ia Paulo e nā tino Iutaia; ma i te aho alafaki, oi fakatonu ai e ia ke tatala kehe na filifili o Paulo, ma fakatonu te kau ohitāulaga hili, ma te Taupulega kātoa ke fai ha lātou fono. Oi kave ai e ia ia Paulo oi fakatū i mua o ki lātou.

Gāluega 23:1

Na kikila hako lava ia Paulo ki te Taupulega ma lea vē atu ki ei, “Te kau uho! Ko toku lotofuatia e mamā lele e tuha ai ma te ōlaga kua ola ai au i mua o te Atua, ke pa mai lava ki te aho nei.”

Gāluega 23:7

Na uma lava te lea vēnei atu o Paulo, oi kāmata loa na fīnauga i te va o te kau Falehaio ma te kau Hatukaio, ma na vaelua ai te potopotoga.

Gāluega 23:15

E vēnei la, kave he fekau mā koutou ma te Taupulega ki te takitakikau Loma, ke kavaifo ia Paulo ki a te koutou ma fakatagāfai ki ei ko koutou e fofou ki ei ona e fia koutou mauagia ni iētahi fakamatalaga hako e uiga ki ei. Kae ka hāuni ki mātou ke tāmate ka ko hēki pa mai ki kinei.”

Gāluega 23:20

Kua tali atu te taumalo, “Kua fai te tonu a nā takitaki Iutaia, ke talohaga atu ki a te koe taeao ke kavake ia Paulo ki lalo ki te Taupulega, ma fakapeku vē ko ki lātou e fofou ki ni fakamatalaga e hili atu te hako e uiga ki te ia.

Kolohe 1:5

I te taimi muamua na pa atu ai te fekau moni ki a te koutou, ko te Tala Lelei tēnā, na fakalogo koutou ki te fakamoemoe e folafola mai ai. Ko te koutou fakatuatua la ma te koutou alofa, e fakavae i te mea kua fakamoemoe koutou ki ei, tēia e teu malu mo koutou i te lagi.

Epelu 6:19

Ko te fakamoemoe tēnei kua ia te ki tātou, e vē ko he taula mo o tātou ōlaga, e mautinoa e haogalēmū ai ki tātou; ma ko te fakamoemoe tēnei ko Iehu, ko tē kua fano kui atu i te kie pupuni i te Mālumalu i te lagi, ki loto o te Nofoaga e Hili te Paia