Gāluega 23:10 - Tokelauan New Testament

¹⁰ Kua matuā fakalalahi lele na fīnauga, ma na popole lele te takitakikau nā ia Paulo e hae likilikiagia. Ko te mea ia na ia fakatonua ai ana fitafita, ke olo ki lalo oi kave kehe mai ia Paulo, ma kave ki te olo.

Gāluega 23:10 Referans Kwoze

Iakopo 3:14

Kae kāfai nā loto o koutou e tumu i te fuā, te ita ma te fakapito, koutou nahe gugutu ma talapepelo ke mumuni ai te meamoni.

Iakopo 1:19

Te kau uho pele, ke koutou manatua te mea tēnei! Ko koutou e tatau ke vave te fakalogo, kae tuai te tautala ma tuai te ita.

Gāluega 22:24

Oi fakatonu ai e te takitakikau Loma nā fitafita ke kave ia Paulo ki loto o te olo, ma ke kini kae ke iloa ai pe ko he ā tonu te taukekē vē ai nā tino Iutaia ki ei.

Gāluega 23:32

I te aho alafaki oi toe foki ai ki te olo nā fitafita havavali, kae totoe ai nā fitafita tiketike holofanua ke olo ma Paulo.

Gāluega 23:27

Ko te tagata tēnei na puke e nā tino Iutaia ma na mea lava ka tāmate e ki lātou. Na maua e au te fakamatalaga ko ia nei ko he tagatānuku Loma, oi olo ai loa ki mātou ma aku fitafita oi laveaki.

Gāluega 23:16

Kae na lagona e te ataliki o te tuafafine o Paulo na taupulepulega iēnei; oi na fano ai ki te olo ma taku ki a Paulo.

Gāluega 21:37

Koi tau fakaulu atu ia Paulo ki loto o te olo, kae lea vē atu ki te takitakikau, “E mafai ke fai haku kupu?” Kua fehili mai te takitakikau ki ei, “E iloa e koe te gagana Eleni?

Gāluega 23:28

Na kō fia iloagia pe he ā te holitūlāfono kua mōlia ai ia e ki lātou, oi na kave ai e au ki lalo ki te lātou Taupulega.

2 Kolinito 11:26

I te lahi o aku malaga, nae lamatia toku ola i nā lolovai, nā tino fāomea, mai oku tagata tōtino ma tagata nukukehe; nae lamatia i nā kakai lalahi, i te vaomatua, i te moana, vēnā foki mai nā uō pepelo.