Gāluega 22:16 - Tokelauan New Testament

¹⁶ He ā la te koi fakatali ai koe? Tū loa ki luga ma papatihogia ma tatalo ki te Aliki ke fakamamā koe mai au agahala.’

Gāluega 22:16 Referans Kwoze

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 2:21

Ma ko ai lava e kalaga ki te igoa o te Aliki mo he fehoahoani ka fakaolagia.’

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Tito 3:5

ma kua fakaola ai ki tātou. E hē ona ni gāluega lelei na ki tātou faia, kae ona ko tona alofa fakahao mo ki tātou. E ala i te mana o tona Agaga na ia fakamamāgia ai ki tātou ma mafai ai ke toe fanaufougia ki tātou ma maua ai e ki tātou te ola fou.

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,

Kalatia 3:27

Kua uma te papatiho o koutou ma i ei koutou i te hokotaga ma Keliho. Kua kokofu koutou i te ola o Keliho, e vē i ni kofu fou.

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

Gāluega 9:14

Ma kua hau ki Tamaheko ma te pule mai nā ohitāulaga hili, ke puke fakapagotā ai ki lātou uma e tāpuaki atu ki a te koe.”

1 Kolinito 1:2

Ki te Ekalehia a te Atua i Kolinito, ki a te koutou uma kua kalagagia e te Atua ke kavea ma ona tagata, i te māfutaga ma Keliho Iehu, fakatahi ai ma nā tino uma lele, pe ko fea lava te mea e tāpuaki ai ki to tātou Aliki ko Iehu Keliho, te Aliki o ki lātou vēnā ma ki tātou.

Gāluega 9:18

I te taimi lava tēnā na malili ifo ai nā mea e vē ni unafi i nā mata o Haulo, ma toe mafai ai ke kitea e ona mata. Na tū loa ki luga ia Haulo ma na papatihogia ai;

Ioane 13:8

Ka kua lea vē mai ia Petelu ki ei, “E hē tatau lele ke fulufulu e koe oku vae!” “Kāfai e hē kō fulufulua ō vae, ko koe la e hē āku,” kua tali atu ia Iehu.

Gāluega 7:59

Ka koi fai lava te lātou gāluega ko te fetogiga o Hetefano, ka kua fai te tatalo a Hetefano, “Iehu te Aliki, talia mai ko toku agaga!”

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),