Gāluega 21:8 - Tokelauan New Testament

⁸ I te aho alafaki na olo kehe ai ki mātou, ma taunuku atu ki Kaihaleia. Na nonofo ki mātou i kinā i te fale o Filipo te tino tālaki o te Tala Lelei, ko hētahi ia o te toka fitu taulelea na filifilia ke fai ma fehoahoani i Ieluhalema.

Gāluega 21:8 Referans Kwoze

Gāluega 6:5

Na fiafia uma lele te fakapotopotoga ki te mea tēnei kua lea ake ai te kau apohitolo; oi na filifili ai e ki lātou ia Hetefano, he tino kua fakatumulia i te fakatuatua ma te Agaga Paia, vēnā ma Filipo, ko Pelokolona, ko Nikanola, ko Timona, ko Pamena, ma Nikolao, he tagata nukukehe mai Anitioka na liliu ki te tāpuakiga Iutaia.

Efeho 4:11

Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

Gāluega 28:16

I te taunuku atuga o ki mātou ki Loma, na fakataga ia Paulo ke nofo nā ko ia kae leoleo e he fitafita auā ei na hola kehe.

Gāluega 16:13

I te Hāpati na olo ai ki mātou ki fafo o te kakai ki te kautafa o te vai, ki he koga na iloa e ki mātou e māhani lava oi maopoopo ki ei nā tino Iutaia ke fai talohaga ai. Na nonofo ki mātou ki lalo ma talanoa ki nā fafine kua maopoopo i kinā.

Gāluega 16:10

I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Gāluega 9:30

I te iloaga o te mea tēnei e nā tino kua talitonu, oi kave ai e ki lātou ia Haulo ki Kaihaleia, ma uga ai ke fano ki Taheha.

Gāluega 28:11

E tolu māhina na nonofo ai ki mātou i kinā, oi malaga ai ki mātou i luga o he vaka mai Alehania e igoa ko “Te Māhaga Atua”, nae fakatalitali i te motu ke uma te taumālūlū.

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 23:23

Oi fekau ai e te takitakikau nā tino ofiha a ia ma lea vē ai ki ei, “Hāuni ni fitafita e toka lua helau ke olo ki Kaihaleia fakatahi ai ma ni fitafita tiketike holofanua e toka fitu hefulu, ma he luahelau fitafita e fakakaukupega i nā tao, ma hāuni ke teka kehe i te iva i te pō nei.

Gāluega 20:13

Na muamua ki mātou ki te mea e i ei te vaka ma tukuvaka loa lava ki Ahono, te mea e tuku e fakahopo ifo ai ia Paulo ki luga o te vaka. Na lea mai ki a te ki mātou ke fakahopo ifo ia i kinā, auā ko ia e kui gāuta atu.

Gāluega 20:6

Na folau atu ki mātou mai Filipi i te umaga o te Fakamanatuga o te Falaoa Hē Fakafefetea, ma ina kua teka nā aho e lima, oi fetaui ai ki mātou i Tolōata, ma nonofo ai ki mātou i kinā i he vaiaho.

Gāluega 18:22

I te pa atuga o ia ki Kaihaleia, oi fano ai ki Ieluhalema oi feiloaki ma te Ekalehia, ma toe fano ai ki Anitioka.

Gāluega 16:16

I tētahi aho, ka koi haeleele atu ki mātou ki te mea e māhani lava oi fai talohaga ai nā tino Iutaia, kae fetaui ki mātou ma he tautiti pologa nae ulufia e he agaga kino, ma nae ia mafaia oi vavalo nā mea ka tutupu i te lumanaki. Nae lahi nā tupe nae ia maua mo tona matai, e ala i ana gāluega vavalo nae fai mo tagata tau tokatahi.

Gāluega 10:1

Nae i ei he taulelea i Kaihaleia e igoa ki a Konelio, he takitaki o he tokahelau fitafita i te vaegākau a Loma e takua ko te “Vaegākau mai Italia.”

Gāluega 21:16

Ko iētahi tino o te kau hoko mai Kaihaleia na olo fakatahi ki mātou, ma na ki lātou kavea ki mātou ki te fale o te tino na tuku e olo ki mātou oi nonofo ai — ko Manahoni, e hau i Kupulona, na kavea ma Kelihiano i nā pōpō fou o te gāluega.