Gāluega 21:3 - Tokelauan New Testament

³ Kua pa atu ki mātou ki he kogāmoana e kitea atu ai ia Kupulona, oi fakatū ai to mātou vaka ki haute mai kinā agai atu ki Hulia. Na olo ki mātou ki gāuta i Tulo, ma ko kinā na tuku e laku ake ai ki gāuta te uta a te vaka.

Gāluega 21:3 Referans Kwoze

Gāluega 27:4

Na fakaauau te mātou malaga mai kinā, kae ona ko te matagi e nofo mai i te muāvaka, ko te mea ia na kui ai ki mātou i te itū ki lalo o te motu ko Kupulona.

Gāluega 21:16

Ko iētahi tino o te kau hoko mai Kaihaleia na olo fakatahi ki mātou, ma na ki lātou kavea ki mātou ki te fale o te tino na tuku e olo ki mātou oi nonofo ai — ko Manahoni, e hau i Kupulona, na kavea ma Kelihiano i nā pōpō fou o te gāluega.

Gāluega 12:20

Na matuā ita lahi lele ia Helota ki tagata o Tulo ma Haitonu, ko te mea ia na olo fakatahi ai na hui mai nā nuku iēnei oi kikila ia Helota. Na ki lātou mua fakakupua ia Palahito, te kaukauna pule i te fale o te tupu, ke fehoahoani ake ki a te ki lātou. Oi olo ai ki a Helota ma fakatagi ki ei mo he fīlēmū, auā ko nā meakai a o lātou nuku e maua mai i te fenua e pule ai te tupu.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Mataio 4:24

Kua halalau te tala e uiga ki a Iehu ki nā itū uma o te fenua ko Hulia, ma na ōmamai ai ia tagata ma kaumai ki a te ia nā tino e maua i nā itūkāigā tauale kehekehe; nā tino e ulufia e tēmoni, nā tino tauale tete ma nā tino e mate iētahi o lātou itū — kua fakamālōlō uma ki lātou e Iehu.

Gāluega 18:18

Na nonofo fakatahi ia Paulo ma te kau Kelihiano i Kolinito i ni aho e lahi, oi tukua ai e ia ki lātou, kae folau ma Pihila ma Akula ki Hulia. Ka ko hēki folau kehe ia Paulo mai Kegeleaiha, na tafi tula tona ulu ona he tautōga e a ia na fai.

Gāluega 15:41

Oi fano ai kui atu i Hulia ma Kilikia, ma fakamālohi ki tagata i nā Ekalehia.

Gāluega 15:39

Na fakavehivehi a lā fefīnauakiga, ma na iku ai kua hē toe gālulue fakatahi ki lāua. Kua kave e Panapa ia Maleko ma malaga i he vaka ki Kupulona,

Gāluega 15:23

oi uga ai ma te tuhi e vēnei: “E fakafeiloaki atu outou uho i kinei, te kau apohitolo ma toeaina vēnā ma te Ekalehia kātoa, ki a te koutou o mātou uho tagata nukukehe uma e nonofo i Anitioka, i Hulia ma Kilikia.

Gāluega 13:4

I te ugaga o Panapa ma Haulo e te Agaga Paia, oi olo ai ki Heleukeia, ma malaga ai i he vaka mai kinā ki te motu e igoa ko Kupulona.

Gāluega 11:19

Ko iētahi o nā tino kua talitonu na halalau ona ko nā fakahāuāga na pa ki ei i te tāmatega o Hetefano, na pa lele ki Foinike, Kupulona, ma Anitioka, ma na ki lātou tālakia te fekau ki tagata Iutaia oioti.

Luka 10:13

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te nonofo ki lalo ma fai o lātou kofutaga, ma lūlū ki o lātou luga te pefu, ke fakailoa ai to lātou halamō!

Luka 2:2

Ko te tuhigāigoa muamua lava tēnei, ma na fakataunuku i nā aho nae kōvana ai ia Kulenio i Hulia.

Mataio 11:21

“Hāloa koe Kolahini! Hāloa koe Petehaita! Auā anei ake nā vāvega na fai i loto o nā kakai o koulua na fai i Tulo ma Haitonu, e vēnei ake ko nā tino i kinā kua leva te fai o lātou kofutaga ma lūlū ki o lātou luga te lefulefu, ke fakailoa ai to lātou halamō.

Gāluega 21:2

Ko kinā na ki mātou maua ai he vaka e tuku e malaga ki Foinike, oi hohopo ai ki mātou ki luga ma folau ai.

Gāluega 21:7

Na fakaauau te mātou malaga, ma folau atu mai Tulo ki Pitolemaia. Ko kinā na feiloaki ai ki mātou ma te kau Kelihiano, ma nonofo ai ki mātou ma ki lātou i he aho e fokotahi.