Gāluega 21:16 - Tokelauan New Testament

¹⁶ Ko iētahi tino o te kau hoko mai Kaihaleia na olo fakatahi ki mātou, ma na ki lātou kavea ki mātou ki te fale o te tino na tuku e olo ki mātou oi nonofo ai — ko Manahoni, e hau i Kupulona, na kavea ma Kelihiano i nā pōpō fou o te gāluega.

Gāluega 21:16 Referans Kwoze

Gāluega 21:8

I te aho alafaki na olo kehe ai ki mātou, ma taunuku atu ki Kaihaleia. Na nonofo ki mātou i kinā i te fale o Filipo te tino tālaki o te Tala Lelei, ko hētahi ia o te toka fitu taulelea na filifilia ke fai ma fehoahoani i Ieluhalema.

Filemoni 1:9

Kae ona ko au e alofa ki a te koe, ka hē kō fakatonua atu ai koe kae ko au ka fakatālohaga atu. E fai e au te mea tēnei e ui lava ko au ko Paulo, te hui o Keliho Iehu, ma i te taimi nei ko he pagotā ona ko toku tautua ki a Keliho.

Loma 16:7

E fakafeiloaki atu foki ki a Anitolika ma Iuni, oku uho Iutaia nae i te falepuipui fakatahi ki mātou; e iloa lelei lele ki lāua e te kau apohitolo, ma na muamua oi kavea ki lāua ma Kelihiano i lo au.

Gāluega 15:39

Na fakavehivehi a lā fefīnauakiga, ma na iku ai kua hē toe gālulue fakatahi ki lāua. Kua kave e Panapa ia Maleko ma malaga i he vaka ki Kupulona,

Gāluega 11:19

Ko iētahi o nā tino kua talitonu na halalau ona ko nā fakahāuāga na pa ki ei i te tāmatega o Hetefano, na pa lele ki Foinike, Kupulona, ma Anitioka, ma na ki lātou tālakia te fekau ki tagata Iutaia oioti.

Gāluega 10:48

Oi na fakatonu loa e ia ke papatiho ia Konelio, tona kāiga ma ana uō, i te igoa o Iehu Keliho. Oi lea ai ki lātou ki a Petelu ke toe nofo mo ni nai aho.

Gāluega 10:24

Ko te aho na hohoko ai na taunuku ai ia Petelu ki Kaihaleia ki te mea e fakatali mai ai ia Konelio ma ni tino o tona kāiga, vēnā ma ni uō mamae na ia valakaulia.

Gāluega 8:40

Kua hāfia e Filipo ko ia kua i Ahōto; oi fano ai kua kui loto atu i nā kakai uma ke pa ki Kaihaleia, ma folafola atu te Tala Lelei.

Gāluega 4:36

Ma ko Iohefa la, te ha-Levī na fānau i Kupulona, tē nae fakaigoa e te kau apohitolo ki a Panapa (ko tona uiga “Ko Tē e Fakamākeke ki tagata”),

Gāluega 15:7

Na mataloa lele nā talatalanoaga ma na tū ai ki luga ia Petelu oi lea vē atu, “Te kau uho, e iloa e koutou ko au na filifilia e te Atua mai ia te koutou i te kāmataga, ke tālakia te Tala Lelei ki tagata nukukehe, kae ke ki lātou iloa ma talitonu ai ki te Aliki.