Gāluega 21:13 - Tokelauan New Testament

¹³ Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”

Gāluega 21:13 Referans Kwoze

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

2 Timoteo 4:6

Kae vē la ki a te au, kua pa mai te taimi ke ofo atu ai au ma tāulaga; kua pa mai te taimi e tukua ai e au te ōlaga tēnei.

Fakaaliga 12:11

Na fakatōkilalo e ki lātou te Tiāpolo e ala i te toto o te Punuamāmoe ma nā kupu o ta lātou molimau; ma nae hē mānumanu ki o lātou ola, e tuha lava pe feoti ai ki lātou.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

2 Petelu 1:14

ona e iloa e au kua hē mataloa he taimi oi pa mai ai te oti ki a te au, e vē ona fakamanino lelei mai ki a te au e to tātou Aliki ko Iehu Keliho.

Gāluega 20:37

Ma na faitatagi uma lele ma ōpoipoi e ki lātou ia Paulo, ma hogi fakamāvae ki ei.

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.

2 Timoteo 1:4

E manatua e au ō loimata, ma ko au kua fia feiloaki lele ma koe, kae ke fakatumu ai au i te fiafia.

1 Kolinito 15:31

Te kau uho, ko toku ola e lamatia pea lava i aho uma! Ko toku mitamita ona ko koutou i te māfutaga ma Keliho Iehu to tātou Aliki, kua mafai ai au ke lea vēnei atu.

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

Filipi 2:26

Kua fia fanatu lele ke feiloaki ma koutou uma, ma e popole lele ona kua koutou iloa ko ia nae tauale.