Gāluega 21:11 - Tokelauan New Testament

¹¹ Kua hau ki a te ki mātou ma tago ki te lītua o Paulo, ma noanoa ai lava e ia ona vae ma ona lima, oi lea vē ai, “Ko tēnei te vāgana a te Agaga Paia: Ko te tino e o ia te lītua tēnei, ka noanoa vēnei lava e tagata Iutaia i Ieluhalema, oi tukulima atu ai e ki lātou ki tagata nukukehe.”

Gāluega 21:11 Referans Kwoze

Gāluega 21:33

Oi hau ai te takitakikau ki a Paulo, ma fakatonu ke puke ma noanoa i ni filifili e lua. Oi fehili vē atu ai, “Ko ai te tagata nei, ka ko he ā foki ta ia kua fai?”

Gāluega 20:23

Oioti lava te mea e kō iloa, kua uma te lapataki mai o te Agaga Paia ki a te au, ko te falepuipui ma puapuagā e fakatalitali mai ki a te au i nā kakai uma e pa au ki ei.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

Epelu 10:34

Nae puapuagā fakatahi koutou ma nā tino nae falepuipui, ma i te kave fakamālohiga o autou meatōtino, na talia ma te fiafia e koutou, auā na iloa e koutou koi i ei lava ia te koutou nā mea e hili atu te tāua, ni mea e tūmau pea lava ke pa ki te fakavavau.

Epelu 3:7

Ko te mea ia, e vē oi lea ai te Agaga Paia: “Kāfai e lagona e koutou te leo o te Atua i te aho nei,

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.

Efeho 6:20

Ko au na uga mai ke fakatino te gāluega tēnei, ma ko te māfuaaga ia kua falepuipui ai au. Tatalo ke maua e au te lototele kāfai au e tautala e uiga ki te Tala Lelei.

Efeho 4:1

Ko au la, tē kua kavea ma pagotā ona ko au e tautua ki te Aliki, e fakatagi atu ki a te koutou: ola ko i he ōlaga e talafeagai ma te tāua o te kalaga kua kalagagia ai koutou e te Atua.

Efeho 3:1

Ona ko te mea tēnei, ko au ko Paulo, te pagotā a Keliho Iehu, e tatalo ki te Atua mo koutou tagata nukukehe.

Gāluega 28:25

Oi na fekehekeheaki ai lava ki lātou ma tākape ai lava, ka kua uma ai te lea vē atu o Paulo i te mea tēnei e fokotahi: “Kai te hako lele o te vāgana a te Agaga Paia ki nā tupuna o koutou, na kui mai i te pelofeta ko Ihaia!

Gāluega 28:20

Ko te mea ia kua lea atu ai au ko ki tātou ke feiloaki ma talanoa. Ko te mea moni lava, ko au e noanoa vēnei i nā filifili ona ko te tino tēia e fakamoemoe ki ei ia tagata o Ihalaelu.”

Gāluega 28:17

Kua teka nā aho e tolu, oi kalaga ai e Paulo he lātou fono ma nā takitaki Iutaia i Loma. I te maopoopo maiga, oi lea vē atu ai ki ei, “Te kau uho, e ui lava e hēai haku mea hehē na fai ki o tātou tagata pe ki nā tū na ki tātou maua mai o tātou tupuna, ko au na fai ma pagotā i Ieluhalema, ma tukulima atu ki nā tino Loma.

Gāluega 26:29

Kua tali atu ia Paulo, “Pe pukupuku te taimi pe loa, ko taku tatalo ki te Atua, ko koe ma koutou uma iēnā e fakalogologo mai ki a te au i te aho nei, ke kavea ke vē ko au — kae vāganā ai la, ko au e hē fofou ko koutou ke noanoa i ni filifili!”

Gāluega 24:27

Kua teka te lua tauhaga, oi hui ai ia Felika e Pokiono Fehetone ke fai ma kōvana. Ko te fialelei o Felika ki nā tino Iutaia, na ia tukua ai ia Paulo i te falepuipui.

Gāluega 22:25

Kae i te noanoaga o Paulo e ki lātou ke kini, kae lea vē atu ia Paulo ki te ofiha nae tū i kinā, “E fakataga i te tūlāfono ke kini e koe he tagatānuku Loma ka ko hēki faia hona fakamahinoa ke iloa ai pe hala?”

Gāluega 16:6

Na malaga kui loto atu ki lātou i nā kogāfenua o Fulugia ma Kalatia, ona na fakaali ki ei e te Agaga Paia ke nahe talakiagia te fekau i te itūmālō o Ahia.

Gāluega 13:2

Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

Gāluega 9:16

Ma ka kō fakahinoa ki ei te lahi o nā puapuagā ka pa ia ki ei, ona ka ia fakailoagia toku igoa ki tagata.”

Ioane 18:1

Kua uma te tatalo a Iehu, oi olo ai ma ona hoko kui atu i he vanu e igoa ko Kitelona. E i ei i kinā he fatoaga, oi olo ai ki loto.

Gāluega 8:29

Kua vāgana atu te Agaga Paia ki a Filipo, “Fano ke pili koe ki te tāvale holofanua.”

Gāluega 21:4

Na fetaui ki mātou i kinā ma ni tino Kelihiano, oi nonofo ai ki mātou ma ki lātou, i he vaiaho. E ala i te mana o te Agaga, na lea ai ki lātou ki a Paulo ke nahe fano ki Ieluhalema.

1 Timoteo 4:1

E manino lele te lea mai a te Agaga, e i ei nā tino ka olo kehe mai to lātou talitonuga faka-Kelihiano, i ni taimi mulimuli; ka uhitaki ki lātou ki nā agaga talapepelo, ma mulimuli ki akoakoga a nā tēmoni.