Gāluega 20:6 - Tokelauan New Testament

⁶ Na folau atu ki mātou mai Filipi i te umaga o te Fakamanatuga o te Falaoa Hē Fakafefetea, ma ina kua teka nā aho e lima, oi fetaui ai ki mātou i Tolōata, ma nonofo ai ki mātou i kinā i he vaiaho.

Gāluega 20:6 Referans Kwoze

Gāluega 12:3

I te ia kiteaga ko nā tino Iutaia e fiafia ki te mea tēnei, oi fakatonu ai foki e ia ke puke ia Petelu. (Na tupu te mea tēnei i te taimi o te Kaiga Fakamanatu o nā Falaoa hē Fakafefetea.)

Gāluega 16:12

Mai kinā oi olo ai ki mātou ki Filipi, he kakai o te itūmālō muamua o Maketonia; he kolone foki e o Loma. Na faitau aho ki mātou i kinā.

2 Timoteo 4:13

Kāfai koe e hau, kaumai toku peleue loloa na tuku ki a Kalapō i Tolōata; kaumai foki ma nā tuhitākai, kae maihe lava nā tuhitākai e fai i nā pakumanu.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Gāluega 28:14

I kinā, na fetaui ai ki mātou ma ni tino Kelihiano na lea mai ke nonofo ki mātou ia te ki lātou i he vaiaho. Ma na olo ai loa lava ki mātou ki Loma.

Gāluega 21:8

I te aho alafaki na olo kehe ai ki mātou, ma taunuku atu ki Kaihaleia. Na nonofo ki mātou i kinā i te fale o Filipo te tino tālaki o te Tala Lelei, ko hētahi ia o te toka fitu taulelea na filifilia ke fai ma fehoahoani i Ieluhalema.

Gāluega 21:4

Na fetaui ki mātou i kinā ma ni tino Kelihiano, oi nonofo ai ki mātou ma ki lātou, i he vaiaho. E ala i te mana o te Agaga, na lea ai ki lātou ki a Paulo ke nahe fano ki Ieluhalema.

Gāluega 16:8

Oi na fakaauau ai lava te lātou malaga kui atu i Muhiana ke pa ki Tolōata.

Gāluega 16:10

I te kiteaga e Paulo te fakaaliga tēnei, oi hāuni ai loa ki mātou ke olo ki Maketonia, auā kua iloa e ki mātou ko te Atua kua kalaga mai ki a te ki mātou ke folafola te Tala Lelei ki nā tino i kinā.

Gāluega 20:5

Na olo muamua oi fakatali mai ai ki a te ki mātou i Tolōata

Gāluega 20:16

Na fai ai te tonu e Paulo ke fakaauau pea te folauga ke teka ia Efeho, kae ke nahe fakafanoa ho mātou taimi i te itūmālō o Ahia. Nae ta fakavave lele ke pa ia ki Ieluhalema i te aho o te Penitekoho, pe kāfai e mafai.